ભાણવડ : માતા-દાદી-દીકરીનો સામૂહિક આપઘાત, કબ્રસ્તાન પાસે જ જિંદગી ટૂંકાવી

મુકુંદ મોકરિયા, દેવભૂમિ દ્વારકા : દેવભૂમિ દ્વારકાના ભાણવડ (Bhanvad Mass Suicide) ગામે આજે એક ચકચારી ઘટના ઘટી છે. આજે સવારે અહીંયા આવેલા કબ્રસ્તાન પાસે સામૂહિક આપઘાતની ઘટના સામે આવી છે. અહીંયા દીકરી-માતા-માતાએ (Daughter Mother Grnad Mother Committed Mass Suicide) એકસાથે આપઘાત કરી લેતા ચકચાર મચી ગયો છે. મૃતક મહિલાઓ જામનગરની રહેવાસી હોવાનું સામે આવી રહ્યુ છે. પોલીસ ઘટના સ્થળે દોડી ગઈ છે અને તપાસ શરૂ કરી છે.

બનાવની વિગતો એવી છે કે આજે ભાણવડના ગાયત્રીનગર કબ્રસ્તાન વિસ્તાર પાસે ત્રણ મહિલાઓએ સામૂહિક આપઘાત કર્યો હતો. ઘટના બાદ લોકોના ટોળા એકઠા થઈ ગયા હતા. દરમિયાન મૃતક મહિલાઓ માતા-દીકરી-દાદી હોવાનું સામે આવ્યું હતું.

મૃતક મહિલાઓની ઓળખ 1- સાહિસ્તા ઉર્ફે સોનુ નૂરમામદ શેખ ઉ 18 2-જેનમબાનું કાસમ ખાન સરવણીયા પઠાણ,ઉ 63 3 નૂરજાબાનું નૂરમામદ શેખ, ઉ 42 તરીકે થઈ હતી. 3 મહિલાઓના મોતથી ખળભળાટ મચી ગયો હતો અને લોકોના ટોળેને ટોળા એકઠા થઈ ગયા હતા.

જોકે, એક જ પરિવારની ત્રણ મહિલાએ કયા કારણોસર આપઘાત કરી લીધો તે જાણવા મળ્યું નથી પરંતુ આ કેસમાં ચકચારી વિગતો બહાર આવે તેવું જણાઈ રહ્યુ છે.

આ મહિલાઓ જામનગરની રહેવાસી હતી અને ભાણવડામાં સામૂહિક આપઘાત કર્યો છે. આર્થિક કારણ, સામાજિક કારણ કે પછી કોઈ કંકાસ ક્યા કારણસોર આ આપઘાત કરવામાં આવ્યો છે તે પોલીસ તપાસમાં જ જાણી શકાશે. હાલ તો ત્રણેય હતભાગીઓના મૃતદેહને જામનગર પીએમ માટે ખસેડવામાં આવ્યા છે.