દેવભૂમિ દ્વારકાઃ પત્નીની હત્યા કરીને ઘરમાં જ દાટી દેનાર પતિ ઝડપાયો, પત્નીને પતિ ઉપર ન હતો ભરોસો

દેવભૂમિ દ્વારકા: જિલ્લાના બેટ દ્વારકામાં પતિ એ ઉશ્કેરાટમાં આવી પત્નીની હત્યા (husband killed wife) કરી ઘરમાં જ ખાડો ખોદી દાટી બાદમાં આસપાસના લોકો અને બાળકો દ્વારા પૂછવામાં આવતા નાસી ગયા બાદ ઓખા પોલીસ મથકે (okha police station) ફરિયાદ નોંધાઇ હતી. ઓખા મરીન પોલીસ દ્વારા આરોપી પતિની અટકાયત કરી વધુ તપાસ હાથ ધરવામાં આવી હતી.

દેવભૂમિ દ્વારકા જિલ્લાના ઓખા મરીન પોલીસ સ્ટેશન વિસ્તારમાં આવેલ બેટ દ્વારકા ગામમાં રહેતા સાલે સીદીક ચમડિયા તેની પત્ની સાથે રહેતો હતો. જેન 3 સંતાનમાં બે પુત્ર અને એક પુત્રી છે જ્યારે બને દીકરાઓ પરણિત છે જ્યારે દીકરીનું સગપણ નકી કર્યું છે ત્યારે સાલે સીદીક અને તેની પત્ની હવાબેન ને છેલ્લા બે વર્ષથી અંદરોઅંદરના ઝઘડાઓ ચાલતા હતા.

જેમાં જ્ઞાતિના પટેલના સંબંધમાં આરોપી ભાણેજ થતો હોય અને જે મહિલાનું મૃત્યુ નીપજ્યું તે ભત્રીજી સબંધમાં થતા હોય ત્યારે બનેને અવાર નવાર સમજાવટ કરી ઘર ચલાવવા માટે કહ્યું હતું. પરંતુ મહિલા હવાબેનને તેના પતિ પર ભરોસો ન હોઈ તેના કારણે તે તેના ભાઈના ઘરે બપોર અને રાત્રીના સમયે જતી રહેતી હતી.

પરંતુ ગઈ કાલે બપોરે જમવાના સમયે હવાબેન તેના પતિ માટે જમવાનું બનાવવા અને બાદમાં ત્યાંથી તેના ભાઈના ઘરે જવા નીકળતા સમયે બને વચ્ચે બોલાચાલી થઈ અને સાલે સીદીકએ તેની પત્નીને ગળું દબાવીને હત્યા કરી તેના જ ઘરમાં ખાડો ખોદી દાટી દીધી હતી.

બાદમાં જ્યારે પત્નીના ભાઈ અને અન્ય સંબંધીઓ ત્યાં તેને શોધવા જતા સાલે સીદીક ત્યાંથી નાસી છૂટ્યો હતો બાદમાં ખાડો ખોડલ સ્થળ પર ખોદતાં ત્યાંથી મૃતદેહ નીકળતા પોલીસને જાણ કરાઈ અને ઓખા મરીન પોલીસ દ્વારા સમગ્ર ઘટનાની તપાસ કરી આરોપી પતિ ફરાર હોઈ જેને પકડી પાડી વધુ તપાસ હાથ ધરવામાં આવી છે.

ઘરમાં ખાડામાં અંદર દાટી દઈને મોતને ઘાટ ઉતરેલ પત્નીના મૃતદેહને જામનગર ખાતે પેનલ પીએમ અર્થે મોકલી દેવામાં આવ્યો છે સાથે જ ફોરેન્સિક એક્સપર્ટને પણ બોલાવી એફએસએલની ટીમ દ્વારા ઘટના સ્થળ પર નમૂનાઓ લઈને પણ તપાસ શરૂ કરી છે. બાલ આરોપી ઓખા મરીન પોલીસની પકડમાં છે અને ઘટના ની ઝીણવટ ભરી તપાસ ઓખા પોલીસ કરી રહી છે.