છેલ્લા 24 કલાકમાં ગુજરાતના 137 તાલુકામાં મેઘ મહેર, સૌથી વધુ કલ્યાણપુરમાં 5 ઇંચથી વધુ વરસાદ

ગુજરાતમાં (Gujarat) હવામાન વિભાગની આગાહી વચ્ચે છેલ્લા 24 કલાકમાં એટલે રવિવારે સવારે 6 કલાક સુધીમાં 137 તાલુકામાં વરસાદ (Rainfall) નોંધાયો છે. જેમાં સૌથી વધુ દેવભૂમિ દ્વારકાનાં કલ્યાણપુરમાં 5.44 ઇંચ વરસાદ (rain) નોંધાયો છે. અહીં માત્ર બે કલાકમાં 4 ઇંચથી વધુ વરસાદ નોંધાયો હતો. હવામાન વિભાગનાં મતે ગુજરાતનાં અનેક જિલ્લાઓમાં આગામી ચાર દિવસ દરમિયાન ભારેથી અતિભારે વરસાદ (monsoon) પડી શકે છે. ચોમાસાની સિઝનમાં આ વખતે 123 ટકાથી વધુ વરસાદ સાથે અતિવૃષ્ટીની સ્થિતિ સર્જાઇ છે. જેથી હવે વરસાદનું આગમન ખેડૂતોની ચિંતા વધારી શકે છે.

જે બાદ છેલ્લા 24 કલાકમાં કચ્છનાં ભૂજમાં 3.56 ઇંચ વરસાદ નોંધાયો છે. જે બાદ બનાસકાંઠાના દાંતીવાડામાં 3.28 ઇંચ, પાલનપુરમાં 2.36, માણાવદરમાં 2.36, સાબરકાંઠાના ઇડરમાં 2.32, કચ્છનાં અંજાર , દેવભૂમિ દ્વારકાના ખંભાળિયા, બનાસકાંઠાના થરાદ, જામનગરનાં ધ્રોલમાં બે ઇંચથી વરસાદ નોંધાયો છે.

હવામાન વિભાગે જણાવ્યું છે કે, 'ગુજરાતમાં હાલ પશ્ચિમથી ઉત્તરપશ્ચિમ દિશાનો પવન છે. આગાહી પ્રમાણે 13 સપ્ટેમ્બરે ખેડા ,દાહોદ ,પંચમહાલ ,અમદાવાદ ,આણંદ ,બોટાદ ,ભાવનગર ,અમરેલી ,ગીર સોમનાથ ,રાજકોટ ,જુનાગઢ ,દીવ ,વલસાડ ,નવસારીમાં વરસાદ વરસી શકે છે.

હવામાન વિભાગની આગાહી 14 સપ્ટેમ્બરે ખેડા ,દાહોદ ,પંચમહાલ ,આણંદ ,ભાવનગર ,અમરેલી ,ગીર સોમનાથ ,રાજકોટ ,જુનાગઢ ,દીવ ,વલસાડ ,નવસારીમાં વરસાદ વરસી શકે છે. આ સાથે દમણમાં 40 કિલોમીટર પ્રતિ કલાકની ઝડપે પવન ફૂંકાવવા ઉપરાંત ગાજવીજ સાથે ભારેથી મધ્યમ વરસાદ પડી શકે છે.

હવામાન વિભાગે જણાવ્યું છે કે, ગુજરાતમાંથી ખાસ કરીને સૌરાષ્ટ્ર કચ્છમાં ચોમાસું સક્રિય થયું છે. હાલમાં મહારાષ્ટ્રના પૂર્વ મધ્ય અરેબિયન સમુદ્રમાં સાયક્લોનિક સર્ક્યુલેશન સર્જાયું છે. જેના કારણે રવિવારે ગુજરાતનાં અનેક તાલુકામાં ગાજવીજ સાથે ભારે વરસાદની આગાહી કરવામાં આવી છે. જોકે, આ આગાહીને કારણે જગતનાં તાતની ચિંતામાં વધારો થયો છે.