Dwarka Monsoon: દ્વારકામાં દરિયો ગાંડોતૂર થયો, લોકોએ જીવ જોખમમાં મૂકી સેલ્ફી લેવા પડાપડી કરી

અરબી સમુદ્રમાં હળવું દબાણ ઉભું થતા દરિયાઈ વિસ્તારોમાં ભારે પવન સાથે વરસાદની આગાહી હવામાન વિભાગે આપી છે ત્યારે રાજ્યના દરિયાઈ વિસ્તારમાં માછીમારોને દરિયો ન ખેડવા સૂચના આપી છે. જયારે રાજ્યના કેટલાક બંદરો પર સતર્કતાના ભાગ રૂપે એલર્ટ આપતા સિંગ્નલો લગાવવામાં આવ્યા છે ત્યારે દ્વારકાના દરિયામાં ભારે કરંટ જોવા મળ્યો છે જેના પગલે દરિયામાં ભારે કરંટ હોય ગોમતીઘાટ કિનારે 10 ફૂટ ઉંચા મોજા ઉંછળી રહ્યા છે. જેને લઇ તંત્ર દ્વારા સતર્કતાના ભાગરૂપે સહેલાણીઓને દરિયાથી દૂર રહેવા માટે ચેતવણી અપાઇ છે. છતા કેટલાક પ્રવાસીઓ પોતાના જીવ જોખમમાં મૂકી ગોમતીઘાટ પાસે બેસી સેલ્ફીઓ લઇ રહ્યા છે.

દ્વારકામાં ભારે પવન સાથે આજે દરિયો ગાંડોતુર બન્યો હોય દરિયામા ભારે કરંટ જોવા મળી રહ્યો છે. આથી ગોમતીઘાટ ભડકેશ્વર સહિતના વિસ્તારમાં ઉંચા મોજા ઉછળી રહ્યા છે. દ્વારકા જિલ્લાના ખંભાળિયા પંથકમાં બીજે દિવસે પણ ધીમી ધારે વરસાદ વરસી રહ્યો છે.

ગોમતીઘાટ ભડકેશ્વર સહિતના વિસ્તારમાં ઉંચા મોજા ઉછળી રહ્યા છે છતા ઘણા પ્રવાસીઓ અહીં પોતાનો જીવ જોખમમાં મૂકી ફોટો લઇ રહ્યા છે તો કેટલાક પ્રવાસીઓ 10 ફૂટ ઊંચા મોજા વચ્ચે પણ સેલ્ફી લઇ રહ્યા છે. તંત્ર દ્વારા સહેલાણીઓને સતર્ક રહેવા કહેવામાં આવી રહ્યું છે છતા પ્રવાસીઓ બેદરકારી દાખવી રહ્યા છે.

દ્વારકા જિલ્લાના ખંભાળિયા પંથકમાં બીજે દિવસે પણ ધીમી ધારે વરસાદ વરસી રહ્યો છે. હવામાન વિભાગ અનુસાર, ગમે તે સમયે વાતાવરણમાં પલટો આવી શકે છે ત્યારે વહીવટી તંત્ર કોઈ પણ સ્થિતિને પોંહચી વળવા સજ્જ બની ચકયું છે

ખંભાળિયા તાલુકાના વિનજલપર, કેશોદ, ઠાકરશેરડી, ભાળથર સહિતના ગામોમાં વરસાદ વરસી રહ્યો છે. અહીં વાવણી બાદ સતત વર્ષી રહેલ વરસાદથી ધરતી પુત્રોમાં ખુશીનો માહોલ જોવા મળી રહ્યો છે.