દ્વારકા : જગતમંદિરમાં ધ્વજા રોહણ માટે ભક્તોની સંખ્યા પહેલાં કરતાં વધારવામાં આવી

દ્વારકા : ભગવાન દ્વારકાધીશના દ્વાર ઉઘડે એ પહેલાં ધ્વજારોહણ માટે મર્યાદિત સંખ્યામાં ભક્તોને છૂટ આપવામાં આવી હતી. જોકે, હવે કોરાના વાયરસનું સંક્રમણ ઓછું થતા આ સંખ્યાની મર્યાદામાં વધારો કરવામાં આવ્યો છે. અગાઉ આ સંખ્યા કોરોનાના કહેરના કારણે ખૂબ જ મર્યાદિત રાખવામા આવી હતી પરંતુ આજથી ધ્વજા ચઢાવવા માંગતા ભક્તો માટે ખુશીના સમાચાર આવ્યા છે.

કોરોનાના કપરાકાળમાં રાજ્યના તમામ મંદિરો સરકારે બંઘ રાખવાની અપીલી કરી હતી ત્યારે જગતમંદિરમાં પણ ફક્ત પૂજા કરવામાં આવી રહી હતી અને જનસામાન્ય માટે મંદિરના કમાડ બંધ ગયા હતા જેના કારણે ભગવાન દ્વારકાધીશના ભક્તો દુ:ખી હતા.

ઠાકોરજીના દર્શનની એક ઝલક તો ઑનલાઇન પણ મળી જાય પરંતુ મંદિરના દ્વાર ખૂલે તે પહેલાં ધ્વજા ચઢાવવા માટે 10 લોકોને છૂટ આપવામાં આવી હતી. જોકે, હવે કોરોના કેસ કાબૂમાં આવતા આ મર્યાદામાં વધારો કરવાનો નિર્ણય મંદિર પ્રસાશન દ્વારા લેવામાં આવ્યો છે.

હવે પછી કોરોના ગાઇડલાઇનનું પાલન કરતાં 25 ભક્તો એકસાથે ધ્વજારોહણના કાર્યક્રમમાં ભાગ લઈ શકશે. જગતમંદિર ધ્વજા ચઢાવવાનું અનેરૂં મહત્ત્વ હોય છે ત્યારે આ સમાચારથી ભક્તોમાં ખુશીનો માહોલ છે.

હવે સોશિયલ ડિસ્ટન્સ અને કોવિડ ગાઇડલનાના નિયમો સાથે જય દ્વારકાધીશના જય ઘોષને બોલાવતા બોલાવતા ભક્તો 25ની સંખ્યામં ધ્વજા ચઢાવી શકશે. જોકે, હજુ પણ મંદિર સામાન્ય દર્શન માટે બંધ હોવાથી ભક્તોએ દર્શન માટે કરવી પડશે થોડી પ્રતિક્ષા