દેવભૂમિ દ્વારકાઃ ખંભાળિયાનો બીજા નંબરનો મોટો સિંહણ ડેમ ઓવરફ્લો, તસવીરોમાં જુઓ આહલાદક દ્રશ્યો

દીપિકા ખુમાણ, અમદાવાદઃ દેવભૂમિ દ્વારકાના (Devbhumi Dwarka) જામ ખંભાળિયામાં છેલ્લા 24 કલાકમાં કેટલાક વિસ્તારમાં 13 ઇંચથી વધારે વરસાદ (heavy rain) નોંધાયો છે. જેને પગલે જામખંભાળિયા (JalKhambhaliya) નાના મોટા ડેમો (Big-small dams) છલકાયા છે. ખંભાળિયા તાલુકાનો સૌથી મોટો ઘી ડેમના છલકાયાં બાદ બીજા નંબરનો મોટો સિંહણ ડેમ (sinhan dam) જે રાજાશાહીના સમયનો મજબૂત કાઢિયાવાળો ઓવરફલો (overflow) થાય ત્યારે જોવાલાયક ડેમ છલકાઈ જતાં લોકો નીહાળવા ઉમટ્યા હતા.

આરાધના ધામ પાસેના આ ડેમ 10-12 ઈંચ વરસાદ પડયો ત્યારે સિંહણ ડેમ પાંચ ફૂટ ઓવરફલોમાં બાકી હતો, પરંતુ ઉપરવાસ ભારે પૂરથી આવક થતા ડેમ પૂરો છલકાઈ ગયો છે. દેવભૂમિ જિલ્લાના ઘી, સિંહણ, વર્તુ-1, વર્તુ-2, વેરાડી-1, વેરાડી-2, કબરકા, સાની, મીણસાર, સોનમતી, સીંધણી, શેઢા ભાડથર, કંડોરણા સહિત બાર ડેમ સંપૂર્ણ ઓવરફલો થયા છે. જો કે હજી ગઢકી અને મહાદેવિયાના બે ડેમો હજુ સંપૂર્ણ ભરાયા નથી.

ડેમ ઓવરફ્લો થતાં ખેડૂતોમાં ખુશીની લહેર: જામખંભાળિયામાં તાલુકામાં છેલ્લા 3 દિવસથી ધોધમાર વરસાદ પડી રહ્યો છે. ત્યારે ખંભાળિયાનો સિંહણ ડેમ ઓવરફલો થઇ ગયો છે. ડેમમાં ઉપરવાસના પાણીની આવક થતા ડેમ ઓવરફલો થઈ ગયો હતો.

જેના કારણે નીચાણવાળા વિસ્તારોને એલર્ટ કરી દેવામાં આવ્યું હતું. ડેમ ઓવરફ્લો થતાં ખેડૂતોમાં અને અન્ય લોકોમાં આનંદનો અનુભવ પ્રસરી ગયો છે. પરંતુ જો આગામી સમયમાં વરસાદ અવિરત ચાલુ રહેશે તો આ પાણી વિનાશ પણ સર્જી શકે તેવી ભીતી પણ સેવાઈ રહી છે.

વર્તુ 2 ના 8 દરવાજા ખોલતા પાણી જામરાવલમાં ઘુસ્યા: જામ રાવલ ગામમાં હાલ આખું ગામ પાણી પાણી થઇ ગયું છે. જામ રાવલ ના લોકોને બચાવવા માટે તંત્ર એ પૂરજોશમાં કામગીરી શરૂ કરી દીધી છે. બીજી તરફ જામ રાવલ ગામવાસીઓ પાણી ને કારણે તૈયારીઓ કરી છે.