દેવભૂમિ દ્વારકાઃ રીસામણે ગયેલી પત્નીને મળવા ગયો પતિ, સાસરિયાઓએ ભેગા મળીને પથ્થરના ઘા મારીને જમાઈની કરી હત્યા

મુકુંદ મોકરિયા, દેવભૂમિ દ્વારકાઃ દેવભૂમિ દ્વારકા (Devbhumi dwarka) જીલ્લાના ઓખા મંડળમાં ઘાતકી હત્યાનો (murder case) કિસ્સો સામે આવતા સનસનાટી મચી જવા પામી છે. મીઠાપુર ખાતે રીસામણે બેસેલ પત્નીને મળવા ગયેલ પતિની મોડી રાત્રે પથ્થરના ઘા ફટકારી ઘાતકી હત્યા (husband murder) નીપજાવવામાં આવી છે. આ હત્યા પત્ની અને સાળા અને સાસુએ સાથે મળી યુવાનને મોતને ઘાટ ઉતારી દેતા સમગ્ર પંથકમાં ભારે ચર્ચા જાગી છે.

મળતી માહિતી પ્રમાણે દેવભૂમિ દ્વારકાના ઓખા મંડળના મીઠાપુરમાં ઘટેલી ઘટનાની વિગત મુજબ, અહીના ઉદ્યોગ શક્તિ નગર વિસ્તારમાં ખેંગારભા વાઘેર ઉવ 35 નામના યુવાન પોતાના પુત્ર સાથે પોતાની પત્નીને મળવા પુત્ર સાથે ગયેલા ખેંગારભા રાત્રીના સમયે પોતાના સાસુના ઘરે પહોંચ્યા જ્યા કોઈ મામલે મામલો ઉગ્ર બન્યા બાદ આ યુવાનની ભર બજારે ઘાતકી હત્યા નીપજાવવામાં આવી હતી.

પ્રથમ મરચાની ચટણી આંખ પર છાટી  માથાના ભાગે પથ્થરોના ઘા જીકી ઢીમ ઢાળી દીધુ હતું.  જાણવા મળતી વિગત મુજબ મૃતક યુવાનની પત્ની બે માસથી રિસામણે બેઠી હતી જેને માટે પોતાના પુત્ર સાથે પોતાની પત્નીને મળવા મૃતક ખેંગારભા રાત્રીના સમયે પોતાની પત્નીને મળવા ગયા હતા.

અને ત્યાં પત્ની અને સાળા અને સાસુ સાથે કોઈ મામલે બોલાચાલી બાદ મામલો ઉગ્ર બન્યો હતો જેમા આ યુવાનને પોતાની પત્ની સાળા તેમજ સાસુએ સાથે મળી મોતને ઘાટ ઉતારી દેતા સમગ્ર પંથકમાં ભારે ચર્ચા જાગી છે.

પોલીસને સમગ્ર મામલાની જાણ થતાં સાસરિયા સભ્યો ગુમ થઇ જતા પોલીસે પણ શંકા ગઈ અને તાત્કાલીક આ અંગે ટિમો દોડતી કરી આરોપી પત્ની તેમજ સાળા અને સાસુને પોલીસે ઝડપી ધોરણસરની કાર્યવાહી હાથ ધરી છે  મૃતદેહને પીએમ અર્થે હોસ્પિટલ ખસેડી ફરિયાદ સહિતની આગળની કાર્યવાહી હાથ ધરી છે.

મીઠાપુરમાં રાત્રીના 1 વાગ્યાની આસપાસ ખેંગારભા સુમલાભા માણેક જે મૂળ વસઇ ગામનો વતની છે  અને હાલ તે દ્વારકાના નરસંગ ટેકરી વિસ્તારમાં રહે છે જે પોતે રાત્રીના એક વાગ્યે પોતાના પુત્ર સાથે મીઠાપુર પોતાની પત્ની સમજુબેનને મળવા પોતાની સાસુના ઘરે પહોંચ્યાં હતા.

જ્યાં તેઓ સાળો ખેંગારભા બુધાભા ભથળ તથા તેની સાસુ ધનબાઈ ત્યાં હાજર હોય જ્યાં કોઈ મામલે બોલાચાલી થતા મામલો ઉગ્ર બન્યો હતો અને સગી પત્નીએ જ પોતાના ભાઈ અને માતા સાથે મળી પોતાના જ પતિનું ઢીમ ઢાળી દીધું હતું.