Loud Speaker Contorversy: 'લાઉડ સ્પીકર ઉતારી લેજે, નહીતર કિશન ભરવાડ વાળી થશે,' સિરા ડોન પર બુલડોઝરનો વાર

પ્રકાશ સોલંકી, બોટાદ : દેશમાં વિવિધ રાજ્યોમાં ચાલી રહેલા લાઉડ સ્પીકર (Loud speaker Conrtoversy) ના પડઘા હવે ગુજરાતના બોટાદ (Botad)માં પણ પડ્યા છે. ધાર્મિક સ્થળો પર લાઉડ સ્પીકરના ઉપયોગનો વિવાદ બોટાદ સુધી આવી પહોંચ્યો છે. બોટાદમાં સિરાજ ઉર્ફે ડોનના (Siraj Don) નામથી કુખ્યાત લુખ્ખા તત્વએ લાઉડ સ્પીકર ઉતારી લેવાની ધમકી આપતા મામલો ગરમાયો હતો. શહેરના વિશ્વ હિન્દુ પરિષદના (Botad VHP President) પ્રમુખને ધમકી મળતા પોલીસ હરકતમાં આવી હતી. પોલીસે સિરાજની અટકાયત કરી છે. પોલીસે સિરાની અટકાય કરી અને તેના 'મોર બોલાવી દીધા હતા. જોકે, આજે બોટાદ નગરપાલિકા દ્વારા સિરા ડોનના ગેરકાયદેસર બાંધકામ પર બુલડોઝર ચલાવી દેવાયું છે

સિરા ડોને ધંધુકાના કિશન ભરવાડ જેવું થશે તેવી પણ ધમકી આપી હતી. આ મામલે વિશ્વ હિંદુ પ્રમુખ મહેન્દ્રભાઈ લાલજીભાઈ માળી ટાંકોલીયાને ગત તારીખ 5-5-2022ના રોજ સિરાએ ધમકીઆપી હતી.

ધાર્મિક સ્થળેથી લાઉડ સ્પીકર હટાવી દેવાના મામલે સિરા ડોનની ધરપકડ કરવામાં આવી  હતી. આજે આ કાર્યવાહી આગળ લઈ જતા તેના ગેરકાયદેસર બાંધકામ પર બુલડોઝર ચલાવી દેવામાં આવ્યું છે.

વિશ્વ હિન્દુ પરિષદના શહેર પ્રમુખ મહેન્દ્રભાઈ લાલજીભાઈ માળી ટાંકોલીયા ને ગત તારીખ 05 /05/2022 બપોરના ત્રણેક વાગ્યે નાગલપર દરવાજા પાસે નંબર વગરની સ્વીફ્ટ કારમાં આવેલ સિરાજભાઈ ઊર્ફે ડોન ખલ્યાણી દ્વારા કારમાં બેસાડી અને કહ્યુ હતું કે ગામમાં તમે હનુમાનજી મદિર ઉપર માઈકે બાંધેલા છે. તે ઊતારી લેજો.

એટલું જ નહીં પરંતુ આ સિરાએ ધમકી આપી હતી કે નહીં ઉતારો કિશન ભરવાડ વાળી થશે, તમે અમારું શું બગાડી લેશો, તારૂ અપહરણ કરી જાવ તો મારું કોઈ કાઈ નહીં કરી શકે, તમે અમારા ધ્યાનમાં જ છો. માપમાં રહેજો નહીંતર જાનથી મારી નાખીશ.

આજે ચુસ્ત પોલીસ બંદોબસ્તમાં સિરા ડોનના ગેરકાયદેસર ફાર્મ હાઉસ પર પાલિકાનું બુલડોઝર ફરી વળ્યું હતું. પોલીસની હાજરીમાં જ આજે થયેલા ડિમોલિશનને સત્તાવાર રીતે ધમકી સાથે જોડવામાં આવ્યું નથી પરંતુ તેના મૂળમાં આ ઘટના જ છે તેવું ફલિત થાય છે.