બોટાદઃ ચિરોડામાં પ્રૌઢને બંધક બનાવી ઢોરમાર માર્યો, કપાસ વેચીને મુકેલા 11થી 12 લાખ સહિત મુદ્દામાલ લૂંટી પાંચ લૂંટારુ ફરાર

પ્રકાશ સોલંકી, બોટાદઃ ગઢડા તાલુકાના (Gadhada) ચિરોડા (chiroda village) ગામે મોડી રાત્રે કોઈ અજાણ્યા શખ્સો મકાનમાં આવી મકાન માલિકને રૂમમાં બાધીને રુમમા રહેલા કબાટમાંથી 11થી 12 લાખ રૂપિયાની લૂટ (loot) કરી તેમજ મકાન માલિકના ગળામાં રહેલ સોનાનો ચેનની લુટ કરી તેમજ મકાન માલિકને ઢોર માર મારી નાસી છુટયા હતા.  જયારે ઘટનાની જાણ થતાં જિલ્લા પોલીસ વડા હર્ષદ મહેતા, ડીવાયએસપી, પીઆઈ, એલ સી બી, ડોક સ્કોડ સહિતનો મસમોટો પોલીસ કાફલો ઘટનાસ્થળે દોડી આવી લુટ કરનાર શખ્સો ને ઝડપવા ચક્રો ગતિમાન કર્યા હતા.

બોટાદ જિલ્લામાં કાયદો અને વ્યવસ્થાની સથિત દિવસેને દિવસે કથળતી જાય છે. જિલ્લામાં રોજ હત્યા, ચોરી, લૂંટ, મારામારી ની ઘટના બની રહી છે ત્યારે લાખો રૂપિયા ની લુટની ઘટના પ્રકાશમાં આવી છે. બોટાદ જિલ્લાના ગઢડા તાલુકાના ચિરોડા ગામે રહેતા ખેડૂત રઘુભાઈ કેવડીયા ઉ. 55 જેઓ ખેતી કામ કરે છે તેઓએ આજથી બે મહિના પહેલા કપાસ વેચેલો જેની રકમ 11થી 12 લાખ રૂપિયા તેના રૃમમાં મુક્યા હતા.

ગત રાત્રીના રઘુભાઈ તેના રુમમા સુતા હતા તે દરમિયાન તે રાત્રે બાથરૂમ જવા માટે રુમમાથી બહાર આવેલ તે દરમ્યાન પાંચેક જેટલા શખ્સોએ રઘુભાઈને પાછળથી આવી માથે કપડું ઓઢાડી રૃમમાં બાંધી દીધા હતા.

ત્યારબાદ રઘુભાઈને ઢોરમાર મારી રૃમમાં બધી વસ્તુઓ ફેદી નાખી રૃમમાં રહેલ 11થી 12 લાખ રૂપિયા લઈને જતાજતા મકાન માલિક રઘુભાઈએ ગળામાં પહેરેલ સોનાનો ચેન આચકી નાસી છુટયા હતા.

જયારે ઘટનાની જાણ થતાં બોટાદ જિલ્લા પોલીસ વડા હર્ષદ મહેતા, ડીવાયએસપી, પીઆઈ, પીએસઆઈ, એલ સી બી, એસોજી, ડોક સ્કોડ સહિતનો મસ મોટો પોલીસ કાફલો ચિરોડા ગામે દોડી આવ્યો હતો અને પોલીસે તપાસ હાથ ધરી તેમજ અજાણ્યા શખ્સો ને ઝડપી પાડયા પોલીસે ચક્રો ગતિમાન કર્યા હતા.