ભાવનગરઃ નિવૃત આર્મી જવાનને આવી ગયો ગુસ્સો, ધડાધડ કર્યું ફાયરિંગ, શું હતું કારણ?

નીતિન ગોહેલ, ભાવનગરઃ ભાવનગર શહેરના (Bhavnagar) અધેવાડા ગામે (Aadhevada village) આવેલ શિવેશ્વર સોસાયટીમાં કોમન પ્લોટમાં કાર પાર્કિંગ કરવા બાબતે નિવૃત આર્મીમેન (Ex army man) દ્વારા હવામાં ફાયરિંગ કરવામાં (firing in air) આવ્યું. ઘટનાની જાણ થતા એએસપી સહિતનો પોલીસ કાફલો ઘટનાસ્થળે પહોંચ્યો છે તેમ જ વધુ તપાસ હાથ ધરી છે.

ભાવનગર મહાનગરપાલિકા નવા સીમાંકનમાં ભળેલા અધેવાડા ગામે આવેલા શિવેશ્વર સોસાયટીમાં આવેલ કોમન પ્લોટમાં વાહન પાર્કિંગ કરતાં નિવૃત્ત આર્મીનાં જવાન લાલુભાઈ ડાભી સાથે છગનભાઇ ભટ્ટ નામનાં  શખ્સ સાથે બોલાચાલી થઈ હતી.

જેથી ગુસ્સા પરનો કાબૂ ગુમાવી નિવૃત્ત આર્મી જવાને તેની પાસે રહેલી રિવોલ્વરમાંથી હવામાં ધડાધડ બે રાઉન્ડ ફાયરિંગ કરતા ભારે ચકચાર મચી જવા પામી હતી. આ ઘટનાની જાણ થતાં સીટી ડીવાયએસપી સફીન હસન, ભરતનગર પોલીસ મથકનાં પી.આઈ યાદવ તથા એલસીબી સહિતની ટીમ ઘટના સ્થળે દોડી ગઈ હતી અને તપાસ હાથ ધરી હતી.

ઘટના અંગે ભાવનગર એ.એસ.પી સફિન હસને જણાવ્યું હતું કે અધેવાડા ગામે આવેલ શિવેશ્વર સોસાયટીમાં આવેલ ફાયરિંગની ઘટના બનવા પામી છે. એક જ સોસાયટીમાં રહેતા નિવૃત આર્મીમેન અને તેના પાડોશી બંને વચ્ચે સોસાયટીની જગ્યાએ બાબતે બંને વચ્ચે ઉગ્ર બોલાચાલી થતા નિવૃત આર્મી મેને પોતાની લાઈસન્સ વાળી રિવોલ્વરથી હવામાં ફાયરીંગ કર્યું હતું.

આ ઘટનામાં કોઈ જાનહાની થઈ નથી. પોલીસે ઘટના સ્થળે થી તાત્કાલિક હથિયારો અને આરોપી નિવૃત આર્મીમેન ને કબજે કરી ફરિયાદ નોંધવાની તજવીજ હાથ ધરી અને ઘટના અંગે વધુ તપાસ હાથ ધરી.