રાજ્યમાં ઓવર સ્પીડથી ચાલતા વાહનો પર બ્રેક લગાવવા અને તેમની સામે કડક દંડનીય કાર્યવાહી કરવા રૂ.૩.૯૦ કરોડનાં ખર્ચે યુ.એેસ. બનાવટની અદ્યતન લેઝર ટેક્નોલોજી આધારિત નવી ૩૯ સ્પીડ ગન ખરીદવામાં આવી છે.
અદ્યતન ટેકનોલોજી આધારિત વિકસાવવામાં આવેલી ૩૯ નવી સ્પીડ ગન પૈકી પાંચ સ્પીડ ગન અમદાવાદ શહેરને ફાળવવામાં આવશે જ્યારે બાકીની સ્પીડ ગન તમામ જિલ્લાઓના ટ્રાફિક પોલીસ મથકને ફાળવવામાં આવશે.
રુ.૧૦ લાખની કિંમતની આ પ્રત્યેક સ્પીડ ગન હાઇટેક સ્પીડ ગન છે. જે એક સેકન્ડમાં ત્રણ વાહનોની એક કિલોમીટર દૂરથી જ ઝડપ માપી શકે છે. તેની રેન્જ ૦ થી ૩૨૦ કી.મી/કલાક સુધીની ઝડપ માપી શકે તેવી ક્ષમતાની છે.
રૂ.3.90 કરોડના ખર્ચે US બનાવટની અદ્યતન ટેક્નોલોજી આધારિત 39 સ્પીડગન રાજ્ય સરકારે ખરીદી હતી. જેમાંથી 5 સ્પીડગન અમદાવાદને ફાળવવામાં આવી છે.
આ જે સ્પીડ ગનમાંથી એક કિમી દૂર વાહનની ગતિ જોઈ શકાય છે અને અન્ય પોલીસકર્મી વાહન ચાલકને રોકી તેને મેમો આપે છે.
ધારો કે કોઈ વાહન ચાલક અવરોધ ઉભો કરે તો તેને આ ગન સાથે કોમ્પ્યુટર અને પ્રિન્ટર એટેચ કરી ફોટો બતાવવામાં આવે અને એની પ્રિન્ટ આપવામાં આવે છે જેથી સ્પીડ વધુ હોવાની સાબીતી ચાલકને મળી જાય.
ઓવર સ્પીડ વાહનનાં ચાલકોને પુરાવા સાથે ઈ-મેમો પણ મોકલી શકાશે અને આ જ સ્પીડ ગનથી ઓન ધ સ્પોટ ફોટો સાથેનો મેમો જનરેટ કરીને પણ આપી શકાશે. એટલું જ નહીં આ સ્પીડ ગનમાં વાહનોની સ્પીડનું વિડિયો રેકોર્ડિંગ પણ સ્ટોર થતું રહેશે જેથી ભવિષ્યમાં વાહનચાલક સાથે સ્પીડ બાબતની કોઈ બોગસ તકરાર ઉભી થાય તો પુરાવા પણ સ્પીડ ગનમાંથી જ મળી રહેશે.
