Maha Shivratri 2023: પર્વત ખોદી બનાવી ટનલ, 2 કરોડનો થયો ખર્ચ, આટલા થશે ફાયદા

Ashish Parmar, Junagadh : જૂનાગઢમાં શિવરાત્રીનો મેળો અને પરિક્રમા યોજાય છે. આ બન્ને કાર્યક્રમાં લાખોની સંખ્યામાં ભાવીકો આવતા હોય છે. તંત્ર દ્વારા તૈયારીઓ કરવામાં આવે છે. જૂનાગઢથી ભવનાથ જવા માટે 2 માર્ગીય રસ્તો બનાવવામાં આવ્યો હતો. પરંતુ દામોદરકુંડ ખાતે ફક્ત એક માર્ગીય રસ્તો જ હતો. જેના કારણે અહીં ભારે ટ્રાફીક થતો હતો. દામોદરકુંડ પાસે ટનલ બનાવવામાં આવી છે. જેના કારણે ટ્રાફીક હળવો થશે.

દામોદરકુંડની ભવનાથ તરફ જતા એક માર્ગીય રસ્તો જ હતો. જેને 2 માર્ગીય કરવા માટે મોટો પર્વત ખોદી ટનલ બનાવવામાં આવી છે. શિવરાત્રી અને લીલી પરિક્રમામાં આવતા લાખો શ્રદ્ધાળુઓને પહેલા એક માર્ગીય રોડ થી જે પરેશાની થઈ રહી હતી.

2 કરોડના ખર્ચે ટનલ તૈયાર કરવામાં આવી છે. બાજુમાં પર્વત ખોદીને ટનલ બનાવાઇ છે. ભવનાથ જતા હવે ટ્રાફીકમાં રાહત થશે.

દામોદરકુંડ પાસે પ્રસેર પોઇન્ટ હતો. અહીં એક માર્ગીય રસ્તો હોય વાહનનો ભરાવો થઇ જતો હતો. ટનલ બનતા તેમાથી રાહત મળશે.

ટનલને રંગબેરંગી રંગથી રંગવામાં આવી છે. પરિણામે ટનલનું આકર્ષણ પણ ઉભુ થયું છે. લોકો અહીં સેલ્ફી લે છે.