Junagadh: ભવનાથ મહાદેવને ધજારોહણ સાથે 100 ધુણા પ્રજ્વલીત થશે, જુઓ Photos

Ashish Parmar, Junagadh: શિવની ભક્તિમાં લીન થઈ જવાનું પર્વ એટલે મહાશિવરાત્રી. 15 ફેબ્રુઆરી થી શરૂ થતું મહાશિવરાત્રીનું આ પર્વ માટે અત્યારથી જ સાધુ - સંતો આવી રહ્યા છે. શિવરાત્રી મેળાના પ્રથમ દિવસે જ ધજા ચડતાની સાથે 100 થી વધુ ધુણા પ્રજ્વલીત થતા હોય છે.

ભવનાથમાં યોજાતા શિવરાત્રીનાં મેળાની તૈયારીઓ શરૂ થઇ ગઇ છે. સાધુ-સંતોનું આગમન થઇ ગયું છે. ભવનાથમાં નીયત સ્થાન પર ધુણા બનાવવામાં આવી રહ્યાં છે.

સાધુઓ દ્વારા બનાવવામાં આવતા ધુણાનો પ્રજ્વલીત કરવાનો ખાસ સમય હોય છે. મેળાનાં પ્રારંભે ભવનાથ મહાદેવનાં મંદિરે ધજા ચઢાવવામાં આવે છે. બાદ ધુણા પ્રજ્વલીત થયા છે.

ભવનાથનાં મેળાં જુદા જુદા અખાડાનાં સંતો, સાધુઓ આવતા હોય છે. દરેક અખાડાની જગ્યાની આસપાસ ધુણા બનાવતા હોય છે. ભવનાથમાં 15 ફેબ્રુઆરીથી 18 ફેબ્રુઆરી સુધી શિવરાત્રીનાં મેળાનું આયોજન કરવામાં આવ્યું છે.

મેળામાં લાખોની સંખ્યામાં લોકો ઉમટી પડે છે. ભવનાથ મંદિરની બાજુમાં અને પાછળનાં ભાગે સાધુઓ ધુણા બનાવે છે. દર વર્ષે 100થી વધુ ધુણા બનતા હોય છે.