રાજ્યમાં બે અકસ્માતમાં ત્રણ વ્યક્તિનાં કરૂણ મોત, માણાવદરમાં માતા-પુત્ર, લીંબડીમાં યુવકની જિંદગી હણાઈ

અતુલ વ્યાસ જૂનાગઢ, રાજુદાન ગઢવી, સુરેન્દ્રનગર : રાજ્યમાં ગત મોડી રાતથી લઈને આજે સવાર સુધીમાં બે ગમખ્વાર અકસ્માતમાં ત્રણ વ્યક્તિનાં મોત થયા છે. ગત રાત્રે માણાવદર તાલુકામાં થયેલા અકસ્માતમાં બાઇક ચાલક માતા-પુત્રના મોત થયા છે તો આજે સવારે લિંબડીમાં ઘટેલી હિટ એન્ડ રનની ઘટનામાં પત્નીની નજર સામે જ પતિનું કચડાઈ જવાથી મોત નીપજ્યું છે. આમ શનિવારે રાજ્યમાં બે કરૂણાંતિકાઓ સામે આવી રહી છે.

માણાવદર : ગત મોડી રાત્રે માણાવદર તાલુકાના ગળવાવ પાસે અજાણ્યા વાહને બાઇકને હડફેટે લેતા બાઈક પર સવાર માતા પુત્ર ના કમકમાટી ભર્યા મોત થયા હતા તેમજ બાઇક અજાણ્યા વાહન સાથે ઢસડાતા સળગી ઉઠયુ હતુ બનાવ બાદ અજાણ્યો વાહન ચાલક ફરાર થઈ ગયો હતો. મોડી રાત્રે નો બનાવ હોય વાહનોની અવરજવર ઓછી હતી અને અંધારાનો લાભ લઈ અકસ્માત સર્જી વાહન ચાલક ફરાર થઈ ગયો હતો

થોડા સમય પછી અમુક વાહન ચાલકો નુ ધ્યાન જતા તેમણે 108 ને ફોન કરતા 108 સ્થળ પર પહોંચી હતી અને બન્ને ને હોસ્પિટલમાં ખસેડાતા ફરજ પરનાં ડોક્ટરે મૃત જાહેર કર્યા હતા બનાવ સ્થળે પોલીસ પહોચી બાઈક ના નંબર GJ 11 3249 પરથી બાઈક સવારની શોધખોળ હાથ ધરતા બાઈક સવાર બન્ને માણાવદરનાં માતા પુત્ર હોવાનુ અને વાદી પરીવારનાં હોવાનું જાણવા મળતા તેમના પરિવાર જનોને જાણ કરવામાં આવી હતી પરિવાર ના સભ્યો એ જણાવ્યું હતુ કે બાજુના કતકપરા ગામેથી એક સામાજીક કામ પતાવી મા દીકરો ઘરે આવતા આ બનાવ બનવા પામ્યો છે.

સુરેન્દ્રનગર : લીંબડીમાં હિટ એન્ડ રન ની ઘટના સામે આવી છે. બેફામ ગતિએ દોડતા ડમ્પરે બાઈકને અડફેટે લીધું છે. આ અકસ્માતમાં બાઈક સવાર દંપતીની જોડી ખંડિત થઇ છે. જેમાં પત્નીની નજર સામે પતિનું કચાડાઈ જવાથી કમકમાટી ભર્યું મોત થતા હાહાકાર મચી ગયો છે. બેફામ ગતિ દોડતું ડમ્પર અકસ્માત સર્જી નાશી છૂટ્યું. છે.

ડમ્પર નેં રોકવા સ્થાનિકો એ પાછળ બાઈકો દોડાવ્યા લીંબડી શહેર ના મુખ્ય માર્ગ પર ઘેર જવા નીકળેલ પતિ પત્ની નેં અકસ્માત નડ્યો . અકસ્માત ના ખપ્પર માં વધુ એક ભોગ લેવાતા ઝાલાવાડ સ્તબ્ધ બન્યું છે. આમ શહેરમાં શનિવાર અપશુકનિયાળ સાબિત થઈ રહ્યો હોય તેવું જણાઈ રહ્યું છે.