Junagadh news: દૂધના વાહનમાં લાખો રૂપિયાનો દારૂ ઝડપાયો, બૂટલેગરોના પ્લાન પર પાણી ફરી વળ્યું

અતુલ વ્યાસ, જૂનાગઢઃ ગુજરાતમાં (Gujarati news) દારૂ બંધી હોવા (liquor ban) છતાં ગુજરાતમાં દરૂ ઘૂસાડવા માટે બૂટલેગરો (bootlegger) નવા નવા કિમીયા અપનાવતા રહે છે. આવી પરિસ્થિતિમાં પોલીસ (police) પણ સક્રિય બનીને બૂટલેગરોના પ્લાન ઉપર પાણી ફેરવી દેતી હોય છે. ત્યારે જૂનાગઢમાંથી પોલીસે (Junagadh police) દૂધના વાહનમાં થતી દારૂની હેરાફેરીનો પર્દાફાશ કર્યો હતો. જ્યાં પોલીસે દૂધના વાહનમાંથી 276 પેટી ભારતીય બનાવટનો વિદેશી દારૂ પકડ્યો હતો.

મળતી માહિતી પ્રમાણે જૂનાગઢના ગિરનાર દરવાજાથી દારૂ લઈ બહાર ડિલિવરી કરવા જતા હતા. ત્યા બી ડીવીઝન પોલીસના પી. આઈ.. એન. આઈ. રાઠોડને માહિતી મળી હતી કે દૂધની ગાડીમા દારૂ છે અને બહાર મોકલવામાં આવી રહ્યો છે ત્યારે બી ડીવીઝન પી. આઈ અને સ્ટાફે જાંજરડા ચોકડી પાસે વોચ ગોઠવી હતી.

દૂઘની ગાડી પસાર થતા તેને અટકાવવા આવતા ડ્રાઈવર કમલેશ ખાંભલા નાસી છુટ્યો હતો. અને તેની સાથે રહેલો શિવાંગ રાજુભાઈ મહેતા ઝડપાઈ ગયો હતો. પોલીસે ગાડી કબજે કરી 276 પેટી ભારતીય બનાવટનો વીદેશી દારૂ જેની કિંમત 13 લાખ અને વાહનની કિંમત 5 લાખ મળી 18 લાખ નો મુદામાલ કબ્જે કર્યો છે.

પકડાયેલા ઈસમ ની પુછપરછ હાથ ધરી છે કોનો દારૂ છે કયા લઈ જવાનો હતો તે અંગે પોલીસે જીણવટ ભરી તપાસ હાથ ધરી છે અને ફરાર થઈ ગયેલ કમલેશ ખાંભલાને પકડવા ચક્રો ગતિમાન કર્યા છે. દૂધ ના વાહનમાં દારૂ પકડાતા બુટલેગરો ના નવા કીમીયા સામે આવ્યા છે.

ઉલ્લેખનીય છે કે થોડા મહિનાઓ પહેલા ગાંધીનગરમાંથી અમૂલના દૂધ વાહમાંથી દારૂ ઝડપાયો હતો. અમૂલ દૂધના ટેન્કરમાંથી પોલીસને 7668 નંદ દારૂનો જથ્થો મળી આવ્યો છે. જોકે ટ્રકનો ડ્રાયવર સ્થળ પરથી ભાગી ગયો હતો.સમગ્ર મામલે પોલીસે એક આરોપીની ધરપકડ કરીને કુલ 15.06 લાખનો મુદ્દામાલ કબ્જે કર્યો હતો.