જૂનાગઢ: પાણીની ટાંકીની ઓરડીમાં કર્મચારીને ભટકી ગયો દીપડો, જુઓ તસવીરો

અતુલ વ્યાસ, જૂનાગઢ: માંગરોળના ઢેલાણા ગામ (Dhelana village) પાસે નગરપાલિકાના ટાંકાની ઓરડીમાં વહેલી સવારે ખૂંખાર દીપડો (Leopard) ઘૂસી ગયો હતો. કર્મચારી દ્વારા આજે સવારે પાણીના સપ્લાય માટે પાણીની મોટર ચાલુ કરવા જતાં જ ખબર પડી કે ઓરડીમાં દીપડો છે. ખૂંખાર દીપડાનો અવાજ સાંભળતા કર્મચારીના હોશ ઊડી ગયા હતા. કારણ કે મોટર ચાલુ કરવાની જગ્યા પાસે દીપડો બેઠો હતો. ઉલ્લેખનીય છે કે માંગરોળ ગ્રામ્ય વિસ્તારો (Mangrol rural area)માં દીપડાનો વસવાટ જોવા મળી રહ્યો છે. આ વિસ્તારમાં પશુઓના મારણ પણ થયા છે. આજે માંગરોળના ઢેલાણા ગામે નગરપાલિકાના પાણીની ટાંકીની ઓરડીમાં દીપડો ધૂસી જતા કર્મચારીના શ્વાસ અધ્ધર થઈ ગયા હતા. હાલ આ વિસ્તારમાં હિંસક પ્રાણીઓની અવરજવર હોય લોકોમાં પણ ભયનો માહોલ ફેલાયો છે.

જે બાદમાં કર્મચારીએ હિંમત દાખવી દોડીને ઓરડીની બહાર નીકળી બારણું બંધ કરી દેતા દીપડો ઓરડીમાં પુરાઈ ગયો હતો. બાદમા માંગરોળ વન વિભાગને જાણ કરતા RFO સહિતનો સ્ટાફ ઢેલાણા ગામ ખાતે પહોંચ્યો હતો અને દીપડાને પકડવા કવાયત હાથ ધરી હતી.

પ્રથમ ઓરડીના બારણા પાસે પાંજરૂ ગોઠવવામાં આવ્યું હતું પરંતુ દીપડો બહાર આવ્યો ન આવ્યો. બાદ વેટરનરી ડોકટર દ્વારા તેને બારીમાંથી ઇન્જેક્શન મારીને બેભાન કરવામાં આવ્યો હતો. આશરે એક કલાકે મહા મહેનતે દીલધડક રેસ્ક્યૂ ઓપરેશન પૂર્ણ થયું હતું.

બેભાન દીપડાને અમરાપુર એનીમલ કેર સેન્ટર ખાતે લઈ જવામાં આવયો હતો, ત્યાં પ્રાથમિક સારવાર આપ્યા બાદ ઉપલા અધિકારીની સૂચના બાદ દીપડાને જંગલમાં છોડવામાં આવશે. બનાવને પગલે ઘટના સ્થળે લોકોના ટોળે ટોળા ઉમટી પડ્યા હતા.

ઉલ્લેખનીય છે કે માંગરોળ ગ્રામ્ય વિસ્તારોમાં દીપડાનો વસવાટ જોવા મળી રહ્યો છે. આ વિસ્તારમાં પશુઓના મારણ પણ થયા છે. આજે માંગરોળના ઢેલાણા ગામે નગરપાલિકાના પાણીની ટાંકીની ઓરડીમાં દીપડો ધૂસી જતા કર્મચારીના શ્વાસ અધ્ધર થઈ ગયા હતા. હાલ આ વિસ્તારમાં હિંસક પ્રાણીઓની અવરજવર હોય લોકોમાં પણ ભયનો માહોલ ફેલાયો છે.