Maha Shivratri 2023: કોઇએ બાવળનાં કાંટા પર આસન જમાવ્યુ, તો કોઇ છે શિવની ધૂનમાં મસ્ત, આવી છે નાગા સાધુઓની દુનિયા

Ashish Parmar, Junagadh: ભવનાથમાં ચાલી રહેલા મેળાનો રંગ જામ્યો છે. અહીં રાત પડેને દિવસ ઉગે તેવો માહોલ જામ્યો છે. ભવનાથનાં મેળામાં નાગા સાધુઓનાં દર્શન કરી લોકો ધન્યતા અનુભવી રહ્યાં છે. તો બીજી તરફ નાગા સાધુઓ તેની મસ્તીમાં છે.ભવનાથમાં સાધુઓ અનોખી રીતે સાધના કરી રહ્યાં છે. કોઇ સાધુ બાવળનાં કાટા પર બેસની સાધાન કરી રહ્યાં છે. સાધુઓનાં આવા હઠ યોગ જોઇને લોકો પણ નવાઇમાં પડી જાય છે.

મેળામાં નાગા સાધુઓને ધુણા ધખાવ્યાં છે. ધુણા પર બેસી લોકોને દર્શન આપી રહ્યાં છે. તેમજ શિવની સાધાન કરી રહ્યાં છે. અહીનાં સાધુઓનો રંગ જ કોઇ જુદો છે. ભક્તિનાં રંગમાં સાધુઓ રંગાઇ ગયા છે.

દિવસભર અહીં ચલમમાંથી ધુવાળા નિકળે છે. લોકો આ નિહાળવા સાધુઓ પાસે કલાકો સુધી ઉભા રહે છે. તેમજ સાધુઓ પાસે ત્રિશુલ, ડમરું, ભાલ પણ હોય છે.

કેટલીક જગ્યાએ સાધુઓ તેમનાં ભક્તોને ચા પીવડાવતા નજરે પડે છે. ધુણાની જગ્યાએ જ ચા બનાવતા નજરે પડી રહ્યાં છે.

નાગા સાધુનાં ગળામાં રૂદ્રાક્ષની માળા જોવા મળે છે. એક સાધુએ રૂદ્રાક્ષની માળાને આભુષણ બનાવી લીધા છે. તેમના શરીર ઉપર રૂદ્ધાક્ષની માળા જ નજરે પડે છે.

એક સાધુએ રૂદ્રાક્ષની માળાને આભુષણ બનાવી લીધા છે. તેમના શરીર ઉપર રૂદ્ધાક્ષની માળા જ નજરે પડે છે.

ભવનાથમાં નાગા સાધુઓ ભક્તીમાં લીન થયા છે. તેમજ અહીં હઠયોગ કરીને શિવની સાધના કરી રહ્યાં છે. બાવળનાં કાટા પર બેસી સાધના કરી રહ્યાં છે.

અન્નક્ષેત્રોમાં ભોજન લેનારને કોઇ પુછતુ નથી તેમ અન્નક્ષેત્ર ચલાવનાર ને પણ કોઇ પૂછતું નથી.અહીં આવનાર દરેક ભાવીક શિવનો ભક્ત બની જાય છે. મેળામાં કંઇ દેખાય તો તે છે શિવનો મહિમા.