Junagadh: ઐતિહાસિક ઉપરકોટનો કિલ્લો જોવા જાવ તો આ સ્થળોની મુલાકાત અચૂક લેજો, જુઓ Photos

Ashish Parmar, Junagadh : જૂનાગઢમાં આવેલા ઐતિહાસીક ઉપરકોટનાં કિલ્લાનું રીનોવેશન કરવામાં આવ્યું છે. રીનોવેશન દરમિયાન મુળ સ્થિતી જળવાઇ રહે તેની કાળજી રાખવામાં આવી છે. ઉપરકોટનાં કિલ્લાનું રીનોવેશન પૂર્ણ થતા આગામી મહિનામાં લોકો નિહાળી શકશે. ઉપરકોટનો કિલ્લો નિહાળવા આવતા લોકોને અહીં શું શું જોવા મળશે તે જોઇએ.

ઉપરકોટનો સેલ્ફી પોઇન્ટ : ઉપરકોટમાં કિલ્લામાં તમે ફરી રહ્યા છો તો તમારે ઉપરકોટમાં પ્રવેશની સાથે ત્યાં આવેલા આ સેલ્ફી ફોટો લેવો પડશે. જેમાં ઉપરકોટ શબ્દ પણ સ્પષ્ટ રીતે જોવા મળશે.

દિલ્હી ગેટ : ઉપરકોટના કિલ્લામાં એક દિલ્હી ગેટ પણ આવેલો છે. જેમાં તમે પ્રવેશ કરો એટલે નીચે એક તોપ દેખાશે એવું કહેવાય છે કે જૂનાગઢ જિલ્લામાં જ્યારે કોઈ કિલ્લામાં પ્રવેશ કરવાની કોશિશ કરે ત્યારે અહીંથી નિશાન પણ તાકી શકાતું

વોક-વે તેમજ ટ્રેક : અહીં સમગ્ર કિલ્લામાં ફરવા માટે એક વોક વે પણ બનાવવામાં આવ્યો છે.જેમાં દરેક લોકો ચાલીને પણ જઈ શકશે તથા ત્યાં રાખવામાં આવેલ ટ્રાન્સપોર્ટની સુવિધાનો લાભ પણ લઈ શકાશે.

રાણકદેવીનો મહેલ : અહીં ઉપરકોટના કિલ્લાનો મુખ્ય નજારો રાણકદેવીનો મહેલ પણ છે. જેમાં હાલમાં રીનોવેશન બાદ અહીં ઘણા ફેરફારો કરવામાં આવ્યા છે અને અહીં ફરવું પણ ગમશે.

બગીચા : અહીં જો તમે સમગ્ર કિલ્લો ચાલતા ચાલતા થાકી જાઓ છો તો અહીં હરિયાળુ ઘાસ અને બગીચો પણ છે કે જેમાં તમે બેસીને થોડીવાર આરામ પણ કરી શકો છો.

ઇલેક્ટ્રિક વ્હિકલ : અહીં લોકોને ફરવાનો ઘણો સમય લાગી જાય છે. તેથી ચાલતા ચાલતા લોકો થાકી પણ જતા હોય છે અહીં લોકોને ફરવા માટે ઈલેક્ટ્રીક રીક્ષા તથા કારની પણ સુવિધા આપવામાં આવશે જેમાં સારી રીતે દરેક જગ્યાએ ફરી શકાશે.

તોપ : અહીં અનેક તોપ પણ રાખવામાં આવી છે.તે જગ્યાએ તોપ પણ ગોઠવવામાં આવી છે.

લાઇટ એન્ડ સાઉન્ડ શો: અહીં રાત્રિના સમયે લાઇટ એન્ડ સાઉન્ડ શો પણ યોજાશે. જેમાં અનેક પ્રકારે લોકોને મનોરંજન મળી રહેશે.

અડી કડી વાવ અને નવઘણ કુવો : અહીં અડીકડી વાવ અને નવઘણ કુવો આ કિલ્લાની ઓળખ છે. જેને પણ રિનોવાઇટ કરી હાલમાં ખૂબ જોવાલાયક પ્રકારે બનાવવામાં આવી છે.