જયા બચ્ચન - મહમ્મદ કૈફે જૂનાગઢમાં કોરોનાની રસી મૂકાવી? જાણો શું છે આખો મામલો

જૂનાગઢ: આજે જૂનાગઢનું નામ ઘણું જ ચર્ચામાં આવી ગયુ છે. જિલ્લામાં કોરોનાનું રસીકરણ 100 ટકા પૂર્ણ કરવા માટે ભળતા નામે બોગસ વેક્સિન સર્ટિફિકેટ ઈસ્યુ કરી દેવાના કૌભાંડનો ઘટસ્ફોટ થયો છે. સોશિયલ મીડિયામાં ફરતા થયેલા ડોક્યુમેન્ટ દ્વારા આ વાત ચર્ચામાં આવી છે.

આ તમામ બોગસ સર્ટિફિકેટની કોપીઓ છે. જેમાં જ્યા બચ્ચનની ઉંમર વર્ષ 23 એ મેંદપરા પ્રાથમિક આરોગ્ય કેન્દ્રમાં બીનાબેન વ્રજલાલ વ્યાસ નામના મહિલા કર્મચારી પાસે રસી લીધી હતી. જેમાં પ્રથમ ડોઝ તા 30 જુલાઈ 2021 બીજો ડોઝ 30 ઓક્ટોબર 2021 અને પ્રિકોશન ડોઝ તા 3 ઓગસ્ટ લીધો હોવાનું સર્ટિફિકેટ મળી આવ્યું છે.

તો બીજી બાજુ મહિમા ચૌધરી 22 વર્ષના છે અને બીનાબેન વ્યાસ પાસેથી રસી મુકાવી છે.

મહિમા ચૌધરીએ પણ મેંદપરા પ્રાથમિક આરોગ્ય કેન્દ્રમાંથી રસી મુકાવીની માહિતી ફરતી થઇ છે.

આ ઉપરાંત મહમ્મદ કૈફે પ્રેમરા સબ સેન્ટરમાંથી રસી લીધાનું પ્રમાણપત્ર ફરતુ થયું છે.

આ પ્રમાણપત્રમાં કૈફને 57 વર્ષનાં અને ફુલ્લી વેક્સિનેટેડ દર્શાવ્યા છે.

જૂનાગઢ જીલ્લાના ભેસાણ અને વિસાવદર તાલુકામા કૌભાંડ થયુ હોવાની શક્યતા છે. 100% રસીકરણ પૂર્ણ કરવા માટે કૌભાંડ કર્યું હોય તેવી શક્યતા છે. યોગ્ય તપાસ થાય તો અનેક વેકસીનના કૌભાંડ બહાર આવી શકે છે.