Maha Shivratri 2023: જૂનાગઢનાં આ મેળામાં કોઇ અમીર નથી, કોઇ ગરીબ નથી, બધાય છે શિવમય: જુઓ અદભૂત તસવીરો

Ashish Parmar, Junagadh: ભવનાથમાં ચાલી રહેલા શિવરાત્રીનાં મેળામાં રાત્રીનાં ભજનની રમઝટ બોલે છે. ખાસ કરીતે ભોળાનાથનાં ભજન વધુ સાંભળવા મળે છે. મેરે ભોલે કે દરબાર મે સબ કા ખાતા હૈ, ચાહે અમીર હો, ચાહે ગરીબ હો... આ શબ્દો ફકત ભજન સુધી જ મર્યાદ રહ્યાં નથી. પરંતુ ભવનાથમાં ચાલી રહેલા શિવરાત્રીનાં મેળામાં પ્રત્યેક્ષ નિહાળી શકાય છે.

જી હા, ભવનાથમાં મેળામાં તમામ લોકો સમાન છે. કોઇ ગરીબ નથી કે કોઇ અમીર નથી. અહીં એક પણ જગ્યાએ કોઇની જાતી કે જ્ઞાતી પુછવામાં આવતી નથી. તેનું ઉદાહરણ છે ભવનાથમાં ચાલતા અન્નક્ષેત્રો.

મેળામાં અન્નક્ષેત્રો ચાલી રહ્યાં છે. રોજે લાખો લોકો ભોજન કરી રહ્યાં છે. એક જગ્યાએ તમામ લોકો ભોજન લઇ રહ્યાં છે. અહીં અન્નક્ષેત્રોમાં કોઇ પણ વ્યક્તિ સાથે ભેદભાવ રાખવામાં આવતો નથી. ભોજન લેનારને તેની જાતી કે જ્ઞાતીનો પણ ખ્યાલ હોતો નથી. એક જ પંગતમાં લોકો ભોજન લઇ રહ્યાં છે. એટલું જ નહી અહીં ગરીબ, મધ્યમ વર્ગ, અમીર બધા સાથે ભોજન લઇ રહ્યાં છે. સફાઇ કમર્ચારી પણ જમે છે અને ફૂગા વેચવાવાળા પણ જમે છે.

ભવનાથનાં મેળામાં સમાજની સંગઠન રચનાનાં દર્શન થઇ રહ્યાં છે. શિવનાં મેળામાં આવતા લોકો શિવના એક તાતણામાં બંધાઇ જાય છે. અહીં કોઇ પણ જાતનો ઉચનીચનો ભેદભાવ જોવા મળતો નથી.

સ્વયંભુ ચાલતા મેળામાં એકતાનાં દર્શન અવસ્ય થાય છે. આજ મેળાની ખુબી અને વિેશેષતા છે.

અન્નક્ષેત્રોમાં ભોજન લેનારને કોઇ પુછતુ નથી તેમ અન્નક્ષેત્ર ચલાવનાર ને પણ કોઇ પૂછતું નથી.અહીં આવનાર દરેક ભાવીક શિવનો ભક્ત બની જાય છે. મેળામાં કંઇ દેખાય તો તે છે શિવનો મહિમા.