REPUBLIC DAY 2023: જીવના જોખમે કામગીરી કરનાર પાંચ પોલીસ જવાનનું સન્માન, જાણો કોણે શું કર્યું?

ASHISH PARMAR, JUNAGADH : જૂનાગઢ જિલ્લા કક્ષાનાં પ્રજાસત્તાક પર્વની વંથલીમાં ઉજવણી કરવામાં આવી હતી. જેમાં જિલ્લામાં જે પોલીસકર્મીઓએ પોતાની ફરજ શ્રેષ્ઠતાથી બજાવી છે. અને પોતાનો જીવ પણ અમુક સંજોગોમાં જોખમમાં મૂક્યો છે. તેવા પોલીસ કર્મીઓને સન્માનિત કરવામાં આવ્યા હતા.

PSI જે.જે.ગઢવી : હાલમાં જૂનાગઢ ક્રાઇમ બ્રાન્ચના પીએસઆઈ તરીકે ફરજ બજાવતા પીએસઆઈ જે.જે. ગઢવીની 2 વ્યક્તિઓની સાઇનાઇડથી થયેલા મોત અંગેનો કેસ ઉકેલવામાં ખૂબ સારી ભૂમિકા રહી હતી.

PSI એસ.એ. સોલંકી : હાલમાં માંગરોળ પીએસઆઈ તરીકે ફરજ બજાવી રહ્યા છે. આ મહિલા પી. એસ. આઈ એ માંગરોળમાં એન. ડી.પી.એસનો જથ્થો ઝડપી તેના મુખ્ય પેડલરને રાજસ્થાનના જંગલમાં પોતાની ટીમ સાથે જઈને ઝડપી શ્રેષ્ઠ કામગીરી કરી હતી.

ASI યુ. એમ વેગડા : હાલમાં પેરોલ ફર્લો સ્કવોડમાં ફરજ બજાવતા યુ.એમ. વેગડાની માળીયા હાટીનામાં ખૂનના ગુનામાં 10 વર્ષથી ફરાર આરોપીને ઝડપવામાં મહત્વની ભૂમિકા રહી છે.

હેડ. કોન્સ. અનિરુદ્ધસિંહ વાંક : હાલમાં એસ.ઓ.જી.માં ફરજ બજાવી રહ્યા છે. તેમની આશરે પોણા બે કરોડના નશીલા પદાર્થને પકડી મહત્વની ભૂમિકા ભજવી હતી.

કોન્સ્ટેબલ દિવ્યેશ ડાભી : હાલમાં દિવ્યેશભાઈ જૂનાગઢ ક્રાઇમ બ્રાન્ચમાં ફરજ બજાવી રહ્યા છે. તેમની ગાંધીચોક ખાતે થયેલા 2 વ્યક્તિના સાઇનાઇડ કેસ અંગે ત્રણ હત્યારાઓને ઝડપવા કેસ એનલીસીસની અગત્યની ભૂમિકા રહી હતી.