Jamnagar : જાહેર કાર્યક્રમોમાં અદભુત કરતબ રજૂ કરતી પોલીસની બાઇક સ્ટન્ટ ટીમની ક્યારે થઈ શરૂઆત? જોઓ જોખમી સ્ટન્ટ

જામનગર: ગુજરાત કે દેશમાં થતા રાષ્ટ્રીય કાર્યક્રમો આપણે ઘણી વખત પરેડમાં બાઈક લઈને જવાનો સ્ટંટ કરતા જોયા હશે. ત્યારે આ સ્ટંટ માટે જામનગરમાં પણ પોલીસ જવાનોની એક ટીમ છે, જે આ રીતે સ્ટંટ કરીને સરકારી કાર્યક્રમોમાં પોતાના કરતબ બતાવતા હોય છે.

જવાનો દ્વારા અદભુત કરતબો રજૂ કરતા પહેલા તેઓ રિહર્સલ કરતા હોય છે. પોલીસના જવાનો સાથે આર્મી, એરફોર્સ કે નેવીના જવાનો પણ આ કરતબોમાં સામેલ હોય છે.

આ તમામ જવાનો બાઈક, એર ક્રાફ્ટ જેવા વાહનો પર કરતબો કરતા જોવા મળતા હોય છે. આ કરતબો કરવા માટે ખૂબ શિસ્ત પાળવું પડતું હોય છે. આ જોઈને લોકો પણ તેની મજા માણતા હોય છે.

પોલીસની બાઈક સ્ટંટની ટીમ 2013 થી એટલે કે 10 વર્ષથી અવનવા સ્ટન્ટ કરી રહી છે. જેમાં 30 મહિલા અને 80 પુરુષો સાથેની 110 લોકોની ટીમ છે. 15 મી ઓગસ્ટ, 26 મી જાન્યુઆરી, એકતા પરેડ, 31 ઓક્ટોબર, રોડ શો સહિતના કાર્યક્રમમાં કરતબ રજૂ કરવામાં આવે છે.

આ સ્ટંટનું કામ જોખમી હોવાથી ખૂબ જ પ્રેક્ટિસ માંગી લેતી હોય છે. જેને સેફટી સાથે કરવું આવશ્યક છે. આ ટીમ દ્વારા મહેનત અને સેફટી સાથે 1 મહિના અગાઉ મહેનત કરે છે. અનેક વખત જવાનો અમુક ભૂલને લઈને ઇજાગ્રસ્ત પણ થતા હોય છે જે અમે અમારી નજરે જોયા છે.

આ કાર્યમાં માહેર અને સ્ટંટના કોચના નેજા હેઠળ સમગ્ર ટીમ દ્વારા રિહેસલ કરવામાં આવતું હોય છે. કમાન્ડો અને પોલીસની ટીમ દ્વારા સુતા સુતા બાઈક ચલાવવી, બાઈક પર પિરામિડ કરવા ઉપરાંત અલગ પ્રકારના કરતબોની જાજરમાન પ્રેક્ટિસ કરતા હોય છે. જેમાં મહિલા પોલીસની ટીમ દ્વારા પર અનેક અદભૂત પ્રદર્શન કરવામાં આવતા હોય છે.