Ravindra Jadeja: જાડેજાનાં 'કમબેક' બાદ રીવાબા થયા ક્લિન બોલ્ડ, આપ્યું આવું રિએક્શન

જામનગર: ભારતીય ટીમે ઓસ્ટ્રેલિયાને બીજી ટેસ્ટ મેચમાં છ વિકેટે હરાવી દીધું છે. આ જીત સાથે જ તેણે ચાર મેચની ટેસ્ટ સીરીઝમાં 2-0થી લીડ મેળવી લીધી છે. ભારતીય ક્રિકેટ ટીમે સતત ચોથી વખત બોર્ડર-ગાવસ્કર ટ્રોફી જીતી લીધી છે. આ ખુશીના પ્રસંગે રવિન્દ્ર જાડેજાના પત્ની અને જામનગરના ભાજપના ધારાસભ્ય રીવાબા જાડેજાએ પણ ટીમ ઇન્ડિયા અને પતિ રવિન્દ્ર જાડજાને હાર્દિક શુભકામનાઓ આપીને પોતાની ખુશી વ્યક્ત કરી હતી. રીવાબાએ જણાવ્યુ કે, રવિન્દ્ર જાડેજાએ કમબેક કર્યા બાદ જે યાદગાર પર્ફોમેન્સ આપ્યુ છે તેની પાછળ સખત મહેનત જવાબદાર છે. (સભાર- Rivaba Ravindrasinh jadeja ઇન્સ્ટાગ્રામ)

રીવાબાએ મીડિયા સાથેની વાતચીતમાં ખુશી વ્યક્ત કરતા જણાવ્યુ કે, ટીમ ઇન્ડિયાએ ત્રણેવ ફોર્મેટમાં નંબર વનનું સ્થાન મેળવ્યું છે તે બદલ શુભકામનાઓ પાઠવુ છું. રવિન્દ્રસિંહે કમબેક કર્યા બાદ જે યાદગાર પર્ફોમેન્સ આપ્યું છે તેની પાછળ તેમની સખત મહેનત જવાબદાર છે. આ ખુશીની વાત છે. ક્રિકેટ ફેન્સ અને રવિન્દ્રસિંહને ખુબ ખુબ શુભકામનાઓ પાઠવું છુ. (સભાર- Rivaba Ravindrasinh jadeja ઇન્સ્ટાગ્રામ)

નોંધનીય છે કે, લગભગ 5 મહિના પછી ક્રિકેટના મેદાનમાં પરત ફરેલા જાડેજાએ પોતાની શાનદાર બોલિંગથી કાંગારૂઓની બોલતી બંધ કરી દીધી છે. ભારત અને ઓસ્ટ્રેલિયા (IND vs AUS) વચ્ચે ચાલી રહેલી 4 મેચોની શ્રેણીની બીજી ટેસ્ટ મેચમાં જાડેજાએ 10 વિકેટ લઈને ભારતની જીતનો પાયો નાખ્યો હતો. (સભાર- Rivaba Ravindrasinh jadeja ઇન્સ્ટાગ્રામ)

જાડેજાની સ્પિન બોલિંગમાં એક પછી એક કાંગારૂ બેટ્સમેન ફસાઈ ગયા. પરિણામે કાંગારૂ ટીમ બીજી ઇનિંગમાં 113 રનમાં ઓલઆઉટ થઈ ગઈ હતી. ડાબોડી સ્પિનર ​​જાડેજાએ બીજી ઇનિંગમાં 7 કાંગારૂ ખેલાડીઓને પેવેલિયન મોકલ્યા હતા.

ભારત સામે ઓસ્ટ્રેલિયાની બીજી ઇનિંગ 113 રનમાં સમેટાઈ ગઈ હતી અને આમાં રવિન્દ્ર જાડેજાની જ મોટી ભૂમિકા હતી.

દિલ્હી ટેસ્ટની બીજી ઇનિંગમાં જાડેજાનો જાદુ કામ કરી ગયો. તેણે પોતાનું સર્વશ્રેષ્ઠ પ્રદર્શન કરીને ઓસ્ટ્રેલિયાના એક નહીં, બે નહીં પરંતુ સાત બેટ્સમેનોને પેવેલિયનનો રસ્તો બતાવ્યો.

ટેસ્ટ ક્રિકેટની એક ઇનિંગમાં આ તેની કારકિર્દીનું સર્વશ્રેષ્ઠ પ્રદર્શન છે. આ પહેલા જાડેજાની સર્વશ્રેષ્ઠ 48 રનમાં 7 વિકેટ હતી, જે તેણે વર્ષ 2016માં ઈંગ્લેન્ડ સામે ચેન્નાઈ ટેસ્ટમાં લીધી હતી.

દિલ્હી ટેસ્ટની બીજી ઈનિંગમાં લીધેલી 7 વિકેટોમાં જાડેજાએ બેટ્સમેનને ક્લીન બોલ્ડ કરીને 5 વિકેટ ઝડપી હતી. છેલ્લા 50 વર્ષમાં આ બીજી વખત છે જ્યારે કોઈ સ્પિનરે એક ઇનિંગમાં 5 બેટ્સમેનને બોલ્ડ કર્યા હોય. આ પહેલા અનિલ કુંબલેએ વર્ષ 1992માં જોહાનિસબર્ગમાં સાઉથ આફ્રિકા સામે આ કારનામું કર્યું હતું.

દિલ્હી ટેસ્ટની બીજી ઈનિંગમાં લીધેલી 7 વિકેટોમાં જાડેજાએ બેટ્સમેનને ક્લીન બોલ્ડ કરીને 5 વિકેટ ઝડપી હતી. છેલ્લા 50 વર્ષમાં આ બીજી વખત છે જ્યારે કોઈ સ્પિનરે એક ઇનિંગમાં 5 બેટ્સમેનને બોલ્ડ કર્યા હોય. આ પહેલા અનિલ કુંબલેએ વર્ષ 1992માં જોહાનિસબર્ગમાં સાઉથ આફ્રિકા સામે આ કારનામું કર્યું હતું.