ACB Trap: જામનગર બેડી મરીનના કોન્સ્ટેબલે 11,000ની લાંચ લેતા ઝડપાયો, કેમ અને કોની પાસે માંગી લાંચ?

કિંજલ કારસરીયા, જામનગર : જામનગરમાં (Jamnagar) બેડી મરીન પોલીસ સ્ટેશનનો (Bedi Marine Police Station) પોલીસ કોન્સ્ટેબલ (Police constable) લાંચ લેતા એસીબીના હાથે (ACB trap) ઝડપાઈ ગયો છે. જામનગરમાં એસીબીમાં જાગૃત નાગરીકે ફરિયાદ કરી હતી કે જામનગરના બેડી મરીન પોલીસ સ્ટેશનના પોલીસ કર્મચારી ઘનશ્યામસિંહ ખુમાનસિંહ જાડેજાએ જામનગર બેડી બંદરના દરિયા કિનારે વિદેશથી વહાણમાં કોલસો આવે છે. તેમાંથી અનલોડિંગ થતા સમયે જે કોલસી દરિયાના પાણીમાં ઢોળાઈ જાય તે કચરો હોડીવાળા મજૂરો દ્વારા બહાર કાઢીને વેચતા હોય છે.

જે રીતે ફરિયાદી આવો કચરો પોતાની રીક્ષામાં ભરી વેચતા હોય, જેથી બેડી મરીન પોલીસના કર્મચારી ઘનશ્યામ સિંહ જાડેજાએ દરિયામાંથી ચોરી કરવાના ગુનામાં ફીટ નહી કરી દેવાની ધમકી આપી 11000 રૂપિયાની લાંચ માગી હતી.

આ અંગે એન્ટી કરપ્શન બ્યુરોમાં ફરિયાદીએ આપવીતી વર્ણવી હતી અને ફરિયાદને આધારે જામનગર એસીબીના પી.આઇ એ.ડી. પરમાર દ્વારા ખાસ છટકું ગોઠવવામાં આવ્યું હતું.

જામનગરના બેડી બંદર રોડ પર આવેલી જમ જમ રેસ્ટોરન્ટમાં 11 હજારની લાંચ લેવા આવેલા બેડી મરીન પોલીસ સ્ટેશનના કોન્સ્ટેબલ તરીકે ફરજ બજાવતા લોકરકક્ષક વર્ગ-3ના પોલીસ કર્મી ઘનશ્યામસિંહ ખુમાનસિંહ જાડેજા બેડેશ્વર કાંટો, ઝમઝમ રેસ્ટોરન્ટ અંદર જ 11 હજારની લાંચ લેતા રંગેહાથ ઝડપાઈ ગયા હતા.

ગેરકાયદેસર હપ્તા પેટે રૂ.11000/- ની લાંચની માંગણી કરેલ હતી. જે ઈટના ભઠ્ઠા વાળાને કોલસીના કચરાની સપ્લાય કરતા ફરિયાદી કે, જે લાંચની રકમ આપવા માંગતા ના હોય, જેની એસીબીને મળેલી ફરિયાદને આધારે લાંચનું છટકું ગોઠવ્યું હતું. જેમાં પોલીસકર્મીએ ફરિયાદી સાથે હેતુલક્ષી વાતચીત કરી ગેરકાયદેસર લાંચની માંગણી કરી લાંચનો સ્વીકાર કરતા જ લાંચરુશવત વિરોધી બ્યુરો ના હાથે ઝડપાઇ ગયા છે.