Jamnagar News: આને કે'વાય જન્મદિવસ ઉજવ્યો! પુત્રના પ્રથમ Birthdayએ 36 યુગલોના લગ્ન કરાવશે આ પરિવાર!

Kishor chudasama jamnagar:  હાલ પશ્ચિમી દેશોની સંસ્કૃતિના રંગે રંગાયેલું યુવાધન જન્મદિવસ અને એનિવર્સરી સહિતના પ્રસંગની ભભકાદાર અને અર્થ વગરની ઉજવણી કરતા હોય છે ત્યારે જામનગર ખાતે રહેતા મેહુલભાઈ જોબનપુત્રાએ પોતાના પુત્ર 'નમન'ના પ્રથમ જન્મદિવસના અવસર પર તેમણે સમાજના 36 યુગલોના સમુહ લગ્નનું આયોજન કરી આનોખી ઉજવણી કરી છે સાથે જ અન્ય લોકોને પણ પરોપકારનો માર્ગ બતાવ્યો છે.

પોતાના જન્મદિવસની ઉજવણી દરેક વ્યક્તિ પોત પોતાની રીતે કરતી હોય છે, કોઈ પોતાના પરિવાર સાથે પોતાના ઘરમાં જ ઉજવણી કરતા હોય તો કોઈ હોટલમાં તો કોઈ વૃધ્ધાશ્રમના વડીલોને જમાડીને ઉજવતા હોય છે. અમુક લોકો ઝૂપડપટ્ટીના બાળકોને જમાડીને ઉજવણી કરતા હોય છે.

જામનગરના ઉદ્યોગપતિ પરિવારના મેહુલભાઈ જોબનપુત્રાને કંઈક અલગ જ વિચાર આવ્યો અને તેમણે પોતાના એક વર્ષના પુત્ર 'નમન'નો પહેલો જન્મદિવસ પોતાના ઘરમાં કે કોઈ વિશાળ હોટલ- પાર્ટીપ્લોટમાં નહીં પરંતુ સમાજના સામાન્ય લોકોને સહાયરૂપ બનીને સમૂહલગ્ન થકી ઉજવવાનું આયોજન કર્યું છે.

આ વાતને જોબનપુત્રા પરિવારના સભ્યોએ એકસૂરે વધાવી લીધી છે. જેના ભાગરૂપે આવતીકાલે તા. 23-02-2023 ને ગુરૂવારના રોજ મેહુલભાઈ ધીરજલાલ જોબનપુત્રા પોતાના પુત્ર 'નમન' ના પ્રથમ જન્મદિવસ નિમિતે 36 યુગલોના સમુહલગ્નનું આયોજન કરવામાં આવ્યું છે.

એટલું જ નહીં અને દીકરીઓને કરિયાવરમાં 81 જેટલી જીવનજરૂરી ચીજવસ્તુઓ પણ આપવામાં આવશે. જેમાં અનેક આગેવાનો હાજરી આપશે.

જામનગર ખાતે રહેતા મેહુલભાઈ જોબનપુત્રાએ પોતાના પુત્ર 'નમન'ના પ્રથમ જન્મદિવસના અવસર પર તેમણે સમાજના 36 યુગલોના સમુહ લગ્નનું આયોજન કરી આનોખી ઉજવણી કરી છે સાથે જ અન્ય લોકોને પણ પરોપકારનો માર્ગ બતાવ્યો છે.

પુત્રના જન્મ દિવસની અનોખી ઉજવણી