કડકડતી ઠંડી વચ્ચે 56 ભોગને પણ ભૂલાવી દેશે જોડિયા પંથકનો આરોગ્યપ્રદ 'ઘુટો', જાણો કઇ રીતે બને છે

કિંજલ કારસરીયા, જામનગર: શિયાળાની કડકડતી ઠંડી વચ્ચે સ્વાદ પ્રેમીઓના મોઢામાં પાણી આવી જાય તે પ્રકારનો જામનગરમાં જોડિયા પંથકમાં ઘુટો બની રહ્યો છે. આ ગુટાની વિશેષતા એ છે કે, કોઈપણ જાતના તેલ કે મરી મસાલા વગર આરોગ્યપ્રદ ટોનિક પ્રકારે પણ આ ઘુટો લઈ શકાય છે. 32 જાતના ભોજનને ભુલાવતો 32 જાતના શાકભાજી અને ફળ ફ્રૂટ સાથે બનતો ધુટો ખાવો પણ અનેરો લહાવો છે.

બત્રીસ જાતનાં પકવાન વિશે તમે સાંભળ્યું હશે. પણ જામનગરી ઘૂટો 32 પ્રકારનાં શાકભાજી, ફળોને ઘૂંટીને તૈયાર થાય છે. જામનગર જિલ્લાના જોડીયા, ધ્રોલ, પડધરી પંથકમાં શિયાળાની સાંજ પડતા જ ગ્રામ્ય વિસ્તારોમાં ઠેર-ઠેર વાડી ખેતરોમાં ઘૂટા પાર્ટીના આયોજન થતા હોય છે.

અહીંનાં ગામડાંઓમાં ભારે લોકપ્રિય બની ચૂકેલા ઘુટાની શરૂઆત બે દાયકા અગાઉ જોડિયા પંથકના ગામોમાં થઈ હોવાનું મનાય છે. હવે તો ઘુટા જામનગર ઉપરાંત અન્ય શહેરોમાં પણ લોકપ્રિય બની ચૂક્યો છે. લગભગ 32 જેટલાં શાકભાજી અને ફળોને બરાબર ઘૂંટ્યા બાદ તૈયાર થતો હોવાથી તેનું નામ ‘ઘુટા‘ પડ્યું છે.

આ બધી સામગ્રીને ત્યાં સુધી ઘૂંટવામાં આવે છે જ્યાં સુધી તે એકરસ ન થઈ જાય. બધું એકદમ રગડા જેવું થઈ જાય એ પછી ગરમાગરમ પીરસવામાં આવે છે.

ઘુટામાં કોઈ તેલ કે મસાલા નાખવામાં આવતા નથી. જેથી ઘુટો પચવામાં ઘણો હલકો હોય છે.

શિયાળાની સિઝનમાં આ વિસ્તારમાં ઘુટા ની પાર્ટીઓની રંગત જામે છે.

આસપાસના શહેરી વિસ્તારના  નાના બાળકોથી લઇ અબાલ વૃદ્ધો અને સ્વાદ પ્રેમીઓ પણ વાડી - ખેતરોમાં ટોનિક પ્રકારે શિયાળામાં ઘુટો આરોગવા અચૂક જાય છે.

32 જાતના ભોજન અને ભુલાવતો 32 જાતના શાકભાજી અને ફળ ફ્રૂટ સાથે બનતો ધુટો ખાવો પણ અનેરો લહાવો છે.