Quinoa Farming: જામનગરના નાનકડા ગામની ધો-10 પાસ મહિલાની કમાલ, શરૂ કરી અમેરિકન સુપરફૂડની ખેતી

Sanjay Vaghela, Jamnagar: કહેવાય છે કે સિદ્ધિ તેને જય વરે જે પરસેવે ન્હાય, આ ઉક્તિને સાર્થક કરી છે જામનગર જિલ્લાના લાલપુર તાલુકાના નાનારવા ગામ આરબલુસમાં રહેતા પાયલબેને, જેઓ માત્ર 10 ધોરણ પાસ છે પરંતુ તેઓએ પોતાની લગન અને મહેનતથી આજે સફળ ખેડૂત બન્યા છે.

સામાન્ય રીતે પુરુષો ખેતી ક્ષેત્રમાં વધુ જોવા મળતા હોઈ છે પરંતુ પાયલબેન જેવા ઉદ્ધમી મહિલાઓ પણ આજે ખેતીમાં આગળ વધી રહ્યા છે. શરૂઆતમાં પાયલબેનને અમેરિકન સુપરફૂડની ખેતી કરવામાં અનેક મુશ્કેલીઓ પડી હતી તેમ છતાં તેઓએ હાર ન માની અને સતત આ દિશામાં પ્રયત્નશીલ રહ્યા, અંતે ત્રણ વર્ષબાદ પાયલબેનની મહેનત રંગ લાવી અને 100 ટકા સફળતા હાથ લાગી.

વાત કરીએ પાયલબેનની તો તાલુકાના આરબલુસ ગામે રહેતા પાયલબેન મનસુખભાઈ કટારીયાએ પહેલી વાર માત્ર ટ્રાયલબેઝ અમેરિકાનું સુપરફૂડ કિનોવાનાનું વાવેતર કર્યું હતું, જમીન, વરસાદ અને બીયારણ જેવી અનેક સમાસ્યાનો પાયલબેનને સામનો કરવો પડ્યો હતો.

જો કે ત્રણ વર્ષ બાદ પાકમાં 100 ટકા સફળતા મળી. પાયલબેનું કહેવું છે કે તેઓ છેલ્લા કેટલાક સમયથી આત્મા પ્રોજેક્ટ અને કૃષિ વિજ્ઞાન કેન્દ્ર સાથે સંકળાયેલી છું. ત્યાંથી નવા રોપ વિષે જાણકારી મળી હતી. જે બાદ પરંપરાગત ખેતી સાથે રાગી,કસાવા, કીનોવા જેવા પાકનું વાવેતર અખતરા રૂપી કરું છું. કિનોવાએ અમેરિકાનો પાક છે અને તે અમેરિકાનું સુપરફૂડ છે.

વાત કરીએ કિનોવા ફૂડની તો આ એક ધાન્યવાર પાક છે. આપણા દેશમાં અમુક લોકો આને અમેરિકન બાજરી તરીકે પણ ઓળખે છે. તો ખાસ કરીને ઉત્તર ગુજરાતમાં કીનોવાનું વાવેતર જોવા મળે છે પરંતુ સૌરાષ્ટ્રમાં એક પણ ખેડૂત આ પાકનું વાવેતર કરતા નથી.

પાયલબેને 2020માં અખતરા રૂપે કિનોવાને ઉગાડવાનો પ્રયત્ન કર્યો પરંતુ 100 ટકા સફળતા ન મળી. સતત 3 વર્ષથી ઉગાડવાનો પ્રયત્ન કર્યા બાદ વર્ષ 2022 માં સફળતા મળતી 100 ટકા પરિણામ મળ્યું છે.

કિનોવાના ભાગમાં ખર્ચો નહિવત પ્રમાણમાં છે કારણ કે આમાં કોઈ ખાતર કે દવાની જરૂર પડતી નથી આથી આ ગાય આધારિત અને ઓર્ગેનિક થઈ શકે છે.

જામનગર જિલ્લાના લાલપુર તાલુકાના નાનારવા ગામ આરબલુસમાં રહેતા પાયલબેને, જેઓ માત્ર 10 ધોરણ પાસ છે પરંતુ તેઓએ પોતાની લગન અને મહેનતથી આજે સફળ ખેડૂત બન્યા છે.

સામાન્ય રીતે પુરુષો ખેતી ક્ષેત્રમાં વધુ જોવા મળતા હોઈ છે પરંતુ પાયલબેન જેવા ઉદ્ધમી મહિલાઓ પણ આજે ખેતીમાં આગળ વધી રહ્યા છે.