Jamnagar: મળો, ગુજરાતના બ્રૂસ લીને, 8 વર્ષની ઉંમરે એવા કરાટે કરે છે જોતા જ રહી જશો!

Kishor Chudasama, Jamnagar: જામનગરના આઠ વર્ષના પુત્રએ ગુજરાત કરાટે ચેમ્પિયનશિપમાં રાજકોટ ખાતે ગોલ્ડ મેડલ મેળવી જામનગરનું હિર ઝળકાવ્યું છે.

શિવાક્ષ ઠાકરએ માત્ર આઠ વર્ષની ઉંમરમાં 6 મેડલ મેળવી પરિવાર સાથે બ્રહ્મ સમાજનું નામ રોશન કર્યું છે. હાલ તે અભ્યાસની સાથે પરિવારજનોની શિખામણ અને સહકારથી સતત કરાટેની પ્રેક્ટિસ કરી રહ્યો છે.

4 વર્ષથી મળી પ્રેરણાસિદ્ધિ જેને જઇ વરે જે પરસેવે ન્હાયના સૂત્રને જામનગરના શિવાક્ષ ઠાકરએ સાર્થક કરી છે. 4 વર્ષ અગાઉ શિવાક્ષના સંબંધીને સ્કૂલમાં શ્રેષ્ઠ પ્રદર્શન બદલ ગોલ્ડ મેડલ મળ્યો હતો. ત્યારથી જ શિવાક્ષ માત્ર 4 વર્ષની ઉંમરે શિવાક્ષને કરાટે પ્રત્યે લગન જાગી હતી.

'જો આવો મેડમ મેળવવો હોય તો તારે કરાટે રમવું જોઈશે અને મહેનત કરવી પડશે'. બસ પરિવારજનોની આ શીખ બાદ માત્ર 4 વર્ષના શિવાક્ષએ કરાટેની શરૂઆત કરી હતી. જેમાં ખંતપૂર્વક જહેમત બાદ અનેક સ્પર્ધામાં મેડલ મલ્યા છે જેમાં 4 ગોલ્ડ મેડલ અને 2 અન્ય મેડલ સહિત 6 મેડલનો સમાવેશ થાય છે. અભ્યાસ સાથે શિવાક્ષ ઠાકર કરાટે ક્લાસિસમાં કરાટે શીખવા જાય છે. ત્યારબાદ ઘરે આવીને પણ તે પ્રેક્ટિસ કરે છે.

ગુજરાત કરાટે ચેમ્પિયનશિપમાં લાઇન્સ કરાટે ક્લબ દ્વારા જામનગરના શિવાક્ષ ઠાકરએ ભાગ લીધો હતો. રાજકોટ ખાતે યોજાયેલી આ સ્પર્ધામા તેમણે યશસ્વી પ્રદર્શન કરી ફાઈટ માં પ્રથમ નંબર મેળવી ગોલ્ડ મેડલ પોતાના નામે કર્યો હતો.

શિવાક્ષ હાલ જામનગરના લાયન્સ કરાટે ક્લબના સ્ટુડન્ટ અને ઉમિયા છત્રોલા સ્કૂલમાં બીજા ધોરણમાં અભ્યાસ કરે છે.અનેરી સિદ્ધિ બદલ શાળા પરિવાર દ્વારા રોકડ રાશિ દ્વારા તેનું સન્માન કરવામાં આવ્યું છે.

શિવાક્ષના માતા ચાંદની ઠાકર એ દરેક માતાઓને સંદેશો આપતા જણાવ્યું કે હાલની સ્થિતિએ દરેક માતાએ જાગૃત બની પોતાના બાળકને પુસ્તકના જ્ઞાન સાથે સ્પોર્ટ્સ ફિલ્ડનું પણ નોલેજ આપવું જોઈએ.

આ ફિલ્ડમાં બાળકનું ઉજળું ભવિષ્ય રહેલું છે. દરેક માતા પિતા આ બાબતની કાળજી રાખે તો બાળકને મોટા થઈ સરકારી નોકરી માટે રઝડવું નહિ પડે તેમ અંતમાં ચાંદનીબેન ઠાકર એ કહ્યું હતું.

અભ્યાસ સાથે શિવાક્ષ ઠાકર કરાટે ક્લાસિસમાં કરાટે શીખવા જાય છે. ત્યારબાદ ઘરે આવીને પણ તે પ્રેક્ટિસ કરે છે.

4 વર્ષથી મળી પ્રેરણાસિદ્ધિ જેને જઇ વરે જે પરસેવે ન્હાયના સૂત્રને જામનગરના શિવાક્ષ ઠાકરએ સાર્થક કરી છે