જામનગરની આ નવરાત્રિમાં 'ભગવાન' વેક્સિનના સર્ટી ચેક કરે છે, ગરબીમાં અનોખી પહેલ

કિંજલ કારસરીયા, જામનગર : જામનગરની ગરબીમા (Jamnagar Navratri 2021)  ભગવાન કોરોના વેક્સિનના સર્ટી (Corona Vaccine Certificate Checking by God in Navratri 2021)   ચકાસી રહ્યા છે. છોટી કાશી ગણાતા જામનગરમાં નવરાત્રી દરમિયાન કોરોના વેક્સિનને લઈને અનોખી જાગૃતિ અભિયાન ગરબી માં હાથ ધરાયું છે.

કોરોના ની બીજી લહેર શાંત પડી છે. અને ત્રીજી લહેરના ભણકારા વચ્ચે હાલ નવરાત્રી મહોત્સવ ઉજવાઈ રહ્યો છે. ત્યારે જામનગરમાં છેલ્લા ૬૧ વર્ષથી લીમડા લાઈન વિસ્તારમાં ચાલતી 'શ્રી ભારતમાતા આદર્શ ગરબી મંડળ'માં યોજાતો દેવી-દેવતાઓનો વેશભૂષા રાસ પ્રખ્યાત છે. અને આ ગરબી મંડળ દ્વારા કોરોનાવાયરસ થી બચવા માટે લોકો વેક્સિન લઈને સુરક્ષિત થાય તે માટે અનોખી પહેલ કરી છે.

સરકારની ગાઈડલાઈન અનુસાર નવરાત્રિમાં કોરોના વેક્સીનના ડોઝ મેળવ્યા બાદ જ નવરાત્રિમાં જોડાવા આગ્રહ રાખવામાં આવ્યું છે. ત્યારે જામનગરના લીમડા લાઈન વિસ્તારમાં કોરોના વેકસીન લીધાના સર્ટીફીકેટ ગરબી જોવા આવતા લોકો પાસે વેશભૂષામાં સજ્જ ભગવાન બનેલા પાત્રો ચકાસી રહ્યા છે

વેશભૂષામાં સજ્જ ભગવાન બનેલા પાત્રો જેવા કે, ભગવાન શિવ, ગણેશજી, હનુમાનજી અને રામાયણ-મહાભારત ના વિવિધ પાત્રો ભજવતા કલાકારો આગ્રહ સભર સરપ્રાઈઝ રીતે ચકાસી રહ્યા છે. જેને ગરબી નિહાળવા આવતા લોકો પણ સરાહી રહ્યા છે.

રોનાની ત્રીજી લહેર ના ભણકારા વચ્ચે નવરાત્રિમાં અનોખી જાગૃતતા લાવવા અનોખો જ પ્રયાસ કરાયો છે ત્યારે સર્વે લોકોએ અચૂક વેક્સિન લેવી જોઈએ અને આ મહામારીને નાથવામાં એક સામૂહિક અભિયાન ચલાવવું જોઈએ