Gujarat Titans: ગુજરાત ટાઇટન્સની ટીમ અમદાવાદ આવતા જ હોટેલમાં થયું ભવ્ય સ્વાગત

આઇપીએલ 2022ની ફાઇનલ મેચ 29 મેના દિવસે અમદાવાદના નરેન્દ્ર મોદી સ્ટેડિયમમાં રમાશે. ત્યારે આઇપીએલ 2022ની ક્વોલિફાયર-1 જીતીને ગુજરાત ટાઈટન્સની ટીમે ફાઈનલમાં પ્રવેશ કરી લીધો છે. એટલે કે ક્વોલિફાયર-2માં જે ટીમ જીતશે તે ગુજરાત ટાઇટન્સ સામે 29 મેના દિવસે ટકરાશે. તેવામાં આજે હાર્દિક પંડ્યાની આગેવાનીવાળી ટીમ અમદાવાદની હોટેલ હયાતમાં આવી પહોંચી છે. જ્યાં ટીમના દરેક ખેલાડી અને પરિવારના સભ્ય પર ફુલોનો વરસાદ કરી સ્વાગત કરાયું હતું.

સ્ટાર ઓલરાઉન્ડર હાર્દિક પંડ્યા (Hardik Pandya)ની આગેવાની હેઠળ ગુજરાત ટાઇટન્સે (Gujarat Titans) પોતાની પ્રથમ સિઝનમાં જ IPLની ફાઇનલમાં (IPL 2022) જગ્યા બનાવી લીધી છે.

અમદાવાદના નરેન્દ્ર મોદી સ્ટેડિયમમાં 29 મેના દિવસે રમાનાર આઇપીએલ 2022ની ફાઇનલ મેચની તમામ ટિકિટો વેચાઇ ગઇ છે અને આ મેચમાં મોટી સંખ્યામાં માનવ મહેરામણ જોવા મળશે. સાથે જ ગુજરાતની ટીમને ચિયર કરવા માટે ગુજરાતીઓમાં પણ ખાસો એવો ઉત્સાહ જોવા મળી રહ્યો છે.

અમદાવાદમાં આવતા જ હાર્દિક પંડ્યાએ પોતાના પુત્ર અગસ્ત્યા સાથે એક તસવીર શેર કરી હતી. ત્યાં જ તેની પત્ની નતાશાએ પણ હાર્દિકની સાથેનો એક વીડિયો પોતાની ઇન્સ્ટા સ્ટોરીમાં અપલોડ કર્યો હતો. ( PIC- Natasa Stankovic)

કોલકાતાના ઈડન ગાર્ડન્સ સ્ટેડિયમમાં મંગળવારે રમાયેલી પ્રથમ ક્વોલિફાયર મેચમાં ગુજરાત ટાઇટન્સે રાજસ્થાન રોયલ્સ (Rajasthan Royals)ને 7 વિકેટે હરાવીને ફાઇનલની ટિકિટ મેળવી હતી. આ સિઝનમાં ગુજરાત ટાઇટન્સની લીગ મેચ સફર અંગે જણાવીએ તો ટીમે અત્યાર સુધી 14 મેચ રમી છે જેમાંથી 10માં જીત મેળવી છે જ્યારે 4 મેચમાં હારનો સામનો કરવો પડ્યો છે. (PIC- Hardik Pandya)