IPL 2022 CSK vs KKR: આજે ચેન્નાઈ અને કોલકત્તાનો જંગ, રવિન્દ્ર જાડેજા સહિતના આ ખેલાડીઓ બાજી પલટી શકે

IPL 2022 CSK vs KKR: આજથી ક્રિકેટના મેગા ઈવેન્ટ આઈપીએલ 2022 (IPL 2022)નો ધમાકેદાર પ્રારંભ થવા માટે જઈ રહ્યો છે. આઈપીએલના આ મહાકુંભમાં 10 ટીમો વચ્ચે 58 દિવસમાં 70 મેચ રમાશે (IPL 2022 Schedule). આજે આઈપીએલ 2022ની પહેલી મેચ ચેન્નાઈ સુપરકિંગ્સ અને કોલકત્તા નાઈટરાઈડર્સ વચ્ચે રમાશે (CSK vs KKR) આ મેચનું પ્રસારણ સાંજે 7.30 કલાકથી ડિઝની પ્લસ હોટસ્ટાર અને સ્ટારસ્પોર્ટ્સ નેટવર્ક પર નિહાળી શકાશે. આઈપીએલની આ બંને ટીમ નવા કેપ્ટન સાથે મેદાનમાં આવી રહી છે ત્યારે સૌની નજરે આ ખેલાડીઓ પર રહેશે. ચેન્નાઈ સુપરકિંગ્સના નવા કેપ્ટન રવિન્દ્ર જાડેજા (Ravindra Jaadeja) અને કોલકત્તા નાઈટ રાઈડર્સના કેપ્ટન શ્રેયસ ઐયર (Shreyas Iyer) પર સૌની નજર રહેશે.

સ્ટાર ઓલરાઉન્ડર અને ચેન્નાઈના કેપ્ટન રવિન્દ્ર જાડેજા (Ravindra Jadeja)ને પહેલીવાર કેપ્ટનશીપ મળી છે. તેણે આઈપીએલની 200 મેચમાં 2386 રન કર્યા છે અને 127 વિકેટ લીધી છે. જાડેજાની કેપ્ટનશીપ પર સૌની નજર રહેશે.

કોલકત્તા નાઈટ રાઈડર્સે વેંકટેશન ઐયર (Venkatesh Iyer)મને 8 કરોડમાં રિટેન કર્યો હતો. ઐયર ટી-20 સ્પેશિયાલિસ્ટ છે. તેણે ગત સિઝનમાં 10 મેચમાં 370 રન કર્યા હતા અને 3 વિકેટ પણ લીધી હતી.

ચેન્નાઈ સુપરકિંગ્સ (Chennai SuperKings) દ્વારા ઋતુરાજ ગાયકવાડને 6 કરોડમાં રિટેન કરવામાં આવ્યો છે.ગત સિઝનનો ઓરેન્જ કેપ ખેલાડી ગાયકવાડ 635 રન બનાવી અને છવાઈ ગયો હતો. ચેન્નાઈનું ભવિષ્ય અને આઈપીએલ 2022નું ભવિષ્ય ઋતુરાજ માટે ખૂબ સકારાત્મક છે.

કોલકત્તા નાઈટ રાઈડર્સે રિટેન કરેલા વેસ્ટઇન્ડિઝના પાવર હીટર આંદ્રે રસલ (Andre Russell) પર સૌની નજર ટકેલી છે. જોકે, ફીટનેસ રસેલની સમસ્યા છે. તેણે અત્યારસુધીમાં ટી-20 લીગમાં 84 મેચ રમી અને 1700 રન કર્યા છે અને 178ની સ્ટ્રાઈક રેટથી બેટિંગ કરી છે. સાથે સ્લો પેસ બોલિંગમાં રસલે 72 વિકેટ પણ લીધી છે.

કોલકત્તા નાઈટર રાઈડર્સ (KKR)એ યુવાન ખેલાડી શ્રેયસ ઐયર (Shreyas Iyer)ને કેપ્ટનશીપ સોંપી છે. ઐયરે 87 મેચમાં 2375 રન કર્યા છે અને તેની સ્ટ્રાઈક રેટ 123.95ની છે. આ રનમાં તેના 96 રનની બેસ્ટ ઈનિંગ અને 16 અડધી સદી છે. કોલકત્તાના ટ્રોફીના ડ્રીમમાં ઐયર ડાર્ક હોર્સ સાબિત થઈ શકે છે.