IPL 2022: નરેન્દ્ર મોદી સ્ટેડિયમની બહાર દર્શકોની જોરદાર ભીડ, રોડ પર પગ મૂકવાની જગ્યા નથી

ગણતરીની ક્ષણોમાં અમદાવાદના નરેન્દ્ર મોદી ક્રિકેટ સ્ટેડિયમ (Narendra Modi Stadium) માં રાજસ્થાન રોયલ્સ (Rajasthan Royals) અને ગુજરાત ટાઇટન્સ (Gujarat Titans) વચ્ચે IPL 2022 ની ફાઇનલ મેચ રમાવા જઇ રહી છે. ત્યારે સ્ટેડિયમની બહાર મેચ જોવા આવેલા દર્શકોને ભારે ભીડ જોવા મળી રહી છે. આ દરમિયાન સાબરમતિથી લઇ સ્ટેડિયમ સુધી દર્શકોનું કિડિયારૂં ઉભરાયું હોય તેમ રસ્તા પર ચાલવાની જગ્યા પણ નથી.

અમદાવાદના નરેન્દ્ર મોદી સ્ટેડિયમની બહાર હજારોની સંખ્યામાં લોકો નજર આવી રહ્યા છે. ત્યાં જ મોટા ભાગના દર્શકોએ ગુજરાત ટાઇટન્સની જર્સી પહેરી છે અને ગુજરાતની ટીમને સપોર્ટ કરી રહ્યા છે.

IPL 2022 ક્લોઝિંગ સેરેમની બાદ 7.30 વાગ્યે બંને ટીમ (GT vs RR) વચ્ચે ટોસ થશે. આ દરમિયાન ભારતીય ક્રિકેટની સંપૂર્ણ અત્યાર સુધીની સફર સહિત સ્વતંત્રતાના 75 વર્ષની ઉજવણી માટેની વ્યવસ્થા પણ કરવામાં આવી છે.

આઇપીએલના સમાપન સમારોહમાં સિનેમા જગતની અનેક હસ્તીઓ પરફોર્મ કરી રહી છે. જેનો લુપ્ત દર્શકો માણી રહ્યા છે. આઇપીએલ 2022ના સમાપન સમારોહમાં બોલિવૂડના કલાકારો પણ પહોંચી ગયા છે અને આ દરમિયાન એઆર રહેમાન અને રણવીર સિંહ પરફોર્મંસ આપી રહ્યા છે.

રાજસ્થાન રોયલ્સે 2008માં IPL ડેબ્યૂમાં ખિતાબ જીતવાની સિદ્ધિ હાંસલ કરી હતી. હાર્દિક પંડ્યા (Hardik Pandya) ની ગુજરાત ટાઇટન્સ પાસે ઈતિહાસ રચવાની તક હશે. IPLમાં ગુજરાતનું આ પ્રથમ વર્ષ છે. આવી સ્થિતિમાં જો ગુજરાતની ટીમ ચેમ્પિયન જીતશે તો રાજસ્થાનની જેમ ડેબ્યુ વર્ષમાં ટાઈટલ જીતનારી ટીમ બની જશે.