નોઇડામાં મતદાન બૂથની બહાર 'નમો ફૂડ પેકેટ'નું વિતરણ, ECએ માંગ્યો રિપોર્ટ

નોએડાનાં ગૌતમ બુદ્ધ નગરમાં જ્યાં લોકો મતદાન માટે પોલિંગ બૂથ પર લાઇનમાં ઉભા હતાં ત્યાં જ કેસરી રંગનાં ફૂડ પેકેટ જેની પર 'નમો ફૂડ' લખ્યું હતું તે વહેંચાઇ રહ્યાં હતાં. યુપીનાં ચીફ ઇલેક્ટ્રોલ ઓફિસરે આ અંગેનો રિપોર્ટ માંગ્યો છે અને કહ્યું છે કે આનાથી આચાર સંહિતાનો ભંગ થયો છે કે નહીં.

જોકે ગૌતમ બુદ્ધ નગરનાં એસએસપીએ નકાર્યું છે કે આ ફૂડ પેકેટ સાથે ભારતીય જનતા પાર્ટીને કોઇ લેવાદેવા નથી. મહત્વનું છે કે ભારતીય જનતા પાર્ટીનાં નરેન્દ્ર મોદીને નમોનાં લાડકવાયા નામથી બોલાવવામાં આવે છે.

એસએસપી વૈભવ ક્રિશ્નાએ આ અંગે વાત કરતા જણાવ્યું કે, 'એક અફવા ફેલાઇ રહી હતી કે કેટલાક પોલીસનાં માણસો મતદારોને કોઇ પાર્ટીનાં કહેવાથી ફૂડ પેકેટ આપી રહ્યાં છે. જે એકદમ ખોટી વાત છે. સ્થાનિક નમો ફૂડની દુકાને કેટલાક ફૂડ પેકેટ બનાવડાવ્યાં હતાં. આમાં કોઇ જ રાજકીય પાર્ટીનો હાથ નથી. '

<br />આ અંગેનો વીડિયો અને તસવીરો સવારથી જ ઘણાં વાઇરલ થઇ રહ્યાં છે.