શિક્ષા અને સરકારી નોકરીમાં 10% અનામત માટે આ 8 ડોક્યુમેન્ટને રાખજો તૈયાર

દેશમાં આર્થિક રુપથી સામાન્ય વર્ગના લોકો માટે શિક્ષા અને સરકારી નોકરીઓમાં 10 ટકા અનામતના સંવિધાન સંશોધન વિધેયકને રાષ્ટ્રપતિ રામનાથ કોવિંદની મંજૂરી મળી ગઈ છે. કેન્દ્ર સરકારે આ બાબતની અધિસુચના જાહેર કરી છે. હવે સામાજિક ન્યાય અને અધિકારિતા મંત્રાલય એક સપ્તાહની અંદર નિયમોને અંતિમ રુપ આપશે. આ પછી આર્થિક રુપથી પછાત લોકો માટે આ અનામત લાગુ થઈ જશે. અનામતનો ફાયદો ઉઠાવવા માટે એ જાણવું જરુરી છે કે કયા કયા કાગળો આપવા પડશે.

આવકનું પ્રમાણ પત્ર - અનામતનો લાભ લેવા માટે આવક પ્રમાણપત્ર બતાવવું ફરજીયાત બની શકે છે. સરકારે આ પહેલા સ્પષ્ટ કર્યું હતું કે અનામતનો લાભ તેને જ મળશે જેમની વાર્ષિક આવક આઠ લાખ રુપિયાથી ઓછી હશે.

જાતિ પ્રમાણપત્ર - અનામતનો લાભ લેવા માટે જરુરી છે કે તમારી પાસે જાતિ પ્રમાણ પત્ર હોય. સવર્ણ જાતિના લોકોને ક્યારેય જાતિ પ્રમાણપત્ર લગાવવાની જરુર હોતી નથી. જેથી મોટાભાગના લોકો પાસે જાતિ પ્રમાણપત્ર હોતું નથી.

બીપીએલ કાર્ડ - અનામતનો લાભ ઉઠાવવા માટે જરુરી છે કે તમે એ વાતને પણ સાબિત કરો કે તમે સવર્ણોમાં પછાત છો. આવા સમયે જો તમારી પાસે બીપીએલ કાર્ડ છે તો તમારા માટે કાર્ડ વધારે ઉપયોગી બની શકે છે.

પાન કાર્ડ - પાન કાર્ડ આજના સમયમાં બધી નોકરી અને સેવાઓ માટે ફરજીયાત છે. જો તમે અત્યાર સુધી પાન કાર્ડ નથી બનાવ્યું તો જલ્દી આ માટે અપ્લાઈ કરે. શિક્ષા અને નોકરીમાં હવે પાન કાર્ડ જરુરી છે.

આધાર કાર્ડ - અનામતનો લાભ લેવા માટે આધાર કાર્ડ જરુરી છે. આધાર કાર્ડ ભારતીય નાગરિક હોવાની ઓળખાણ તરીકે બતાવવામાં આવે છે. આધાર કાર્ડ દ્વારા તમારી બધી જાણકારી મેળવી શકયા છે. નોકરીમાં તેને ફરજીયાત કરી દીધું છે. જો તમે આધાર કાર્ડ બનાવ્યું નથી તો તરત આવી બનાવી લેજો.

ઇન્કમ ટેક્સ રિટર્ન - સવર્ણોને અનામત લાભ ઉઠાવવો હશે ઇન્કમ ટેક્સ રિટર્નના કાગળ પોતાની સાથે રાખવા પડશે. ફોર્મ 16 દ્વારા તમે એ વાતનું પ્રમાણ આપી શકો છો કે તમારી આવક આઠ લાખ રુપિયાથી ઓછી છે અને તમે અનામતના દાયરામાં આવે છે.

પાસબુકની કોપી - અનામતનો લાભ ઉઠાવવા માટે પાસબુકની કોપી પોતાની સાથે રાખો. પાસબુકના ત્રણ મહિનાના ઇસ્ટેટમેન્ટ તમારે બતાવવા પડી શકે છે.

જનધન યોજના - પછાત સવર્ણોને આર્થિક આધાર ઉપર નોકરીઓ અને શિક્ષામાં 10 ટકા અનામત જોઈએ તો જનધન યોજના પ્રમાણે બેન્ક એકાઉન્ટ હોવું જોઈએ. જનધન યોજના પ્રમાણે તે ખાતાધારકોને લાભ મળે છે જે આર્થિક રુપથી નબળા હોય છે.