ભારતે કરી જોરદાર બોમ્બ વર્ષા, પાકિસ્તાને જાહેર કર્યા Photos

પુલવામામાં આતંકી હુમલા પછી ભારતે પાકિસ્તાન અધિકૃત કાશ્મીરમાં જોરદાર બોમ વરસાવ્યાં છે. આ માહિતીને ભારતીય વાયુસેનાએ ટ્વિટ કરીને સમર્થન આપ્યું છે. વાયુસેનાએ આશરે 12 મિરાઝ 2000 વિમાનોથી PoKમાં હાજર આતંકી ઠેકાણાઓને તબાહ કરી દીધા છે.

પાકિસ્તાની સેનાનાં પ્રવક્તા મેજર જનરલ આસિફ ગફૂરે કેટલાક ફોટા પણ ટ્વિટ કર્યા છે. જેમાં ભારતીય બોમ્બનાં શેલ દેખાય રહ્યાં છે.

ભારતે આશરે 1 હજાર કિલો બોમ્બ ફેંક્યા હતાં. આ હુમલામાં ઘણાં આતંકી કેમ્પ નષ્ટ થઇ ગયા છે. ભારતીય વાયુસેનાએ મંગળવારે વહેલી સવારે 3.30 કલાકે મોટી કાર્યવાહી કરી છે.

નોંધનીય છે કે જમ્મુ કાશ્મીરનાં પુલવામામાં 14 ફેબ્રુઆરીનાં થયેલા સીઆરપીએફનાં કાફલા પર થયેલા આત્મઘાતી હુમલામાં 40 જવાનો શહીદ થઇ ગયો હતાં. આ હુમલાની જવાબદારી પાકિસ્તાનથી સંચાલિત આતંકી સંગઠન જૈશ-એ- મોહમ્મદે લીધી હતી. આ હુમલા પછી વડાપ્રધાન નરેન્દ્ર મોદીએ કહ્યું હતું કે આ હુમલાનો કડક જવાબ આપવામાં આવશે.