તમને મળશે રેલ્વેમાં ફ્રી યાત્રા કરવાનો મોકો!

હવે તમે IRCTC દ્વારા ટ્રેનની ટિકિટ બુક કરાવો છો તો, એકવાર તમારૂ નશીબ અજમાવી લો. તમને જણાવીએ કે, આઈઆરસીટીસી દ્વારા ટિકિટ બુક કરાવતા સમયે BHIM અથવા UPI દ્વારા ઓનલાઈન પેમેન્ટ કરાવનાર માટે નવી સ્કીમ શરૂ કરવામાં આવી છે.

આ સ્કીમ પ્રમાણે, દર મહિને એક લકી ડ્રો કરવામાં આવશે, જેમાં 5 વિજેતાની પસંદગી કરવામાં આવશે, આ પાંચ વિજેતાને તેમની ટિકિટના રૂપિયા પાછી દેવામાં આવશે.

મહત્વની વાત એ છે કે, આ સ્કીમ માત્ર BHIM અથવા UPI દ્વારા ઓનલાઈન પેમેન્ટ કરાવનાર માટે જ છે. બીજુ કે 6 મહિના માટે જ આ સ્કીમ છે. દર મહિનાના પહેલા અઠવાડીયામાં લકી ડ્રોનું આયોજન કરવામાં આવશે.

આ સ્કીમનો લાભ કોને નહીં મળે: આ સ્કિમમાં એવા લોકોને મોકો નહીં મળે, જેમણે ટિકિટ બુક કરાવ્યા બાદ ટિકિટ કેન્સલ કરાવી હોય. આ સિવાય રેલ્વે એવા લોકોને પણ લકી ડ્રોમાં સામેલ નહી કરે જે લોકોએ TDR (ટિકિટ ડિપોઝીટ રિસીટ) ફાઈલ કરી પૈસા પાછા માંગ્યા હશે.