PHOTOS: રાવણ દહન જોઈ રહેલા લોકોને ટ્રેને કચડ્યા, ચારેબાજુ પડી લાશો

પંજાબના અમૃતસર રાવણ દહનનો કાર્યક્રમ જોઈ રહેલા લોકો પર બે ટ્રેન ચડી ગઈ હતી. આ દુર્ઘટનામાં 50થી વધારે લોકોના મોતની આશંકા વ્યક્ત કરવામાં આવી રહી છે. પોલીસના મતે અમૃતસરના જોડા બજારમાં દશેરોનું આયોજન થઈ રહ્યું હતું જે દરમિયાન ભાગદોડ થઈ હતી. આ દરમિયાન ઘણા લોકો રેલવે ટ્રેક પર હતા. આ સમયે બંને તરફથી ઝડપથી ટ્રેન આવી હતી અને લોકોને અડફેટે લીધા હતા.

પોલીસના મતે આ ઘટનામાં 50થી વધારે લોકોના મોત થયાની આશંકા છે.આ ઘટના અમૃતસરના જોડા ફાટક પાસે બની હતી.

એક ટ્રેન પઠાનકોટથી અમૃતસર જઈ રહી હતી. નજરે જોનાર લોકોના મતે ફટાકડાના અવાજમાં ટ્રેનનો અવાજ સંભળાયો ન હતો.

ઘટનાસ્થળના 100થી 150 મીટરના દાયરામાં લાશો જોવા મળે છે. એનડીઆરએફની ટીમ રેસ્ક્યુ અભિયાનમાં લાગી ગઈ છે.

ઈજાગ્રસ્તોને હોસ્પિટલ પહોંચાડવામાં આવ્યા છે. લોકોનું કહેવું છે કે દશેરાનો કાર્યક્રમ કોંગ્રેસી નેતા કરાવી રહ્યા હતા. આ કાર્યક્રમમાં નવજોત સિંહ સિદ્ધુની પત્ની નવજોત કૌર ચીફ ગેસ્ટ હતી.