રાહુલ ગાંધીએ પંજાબના લુધિયાનામાં રેલીને સંબોધિત કરતા પહેલા ટ્રેક્ટર ચલાવ્યું હતું. આ દરમિયાન તેમની સાથે પંજાબના મુખ્યમંત્રી કેપ્ટન અમરિન્દર સિંહ અને પંજાબ કોંગ્રેસના ઇન્ચાર્જ આશા કુમારી પણ હતા. રાહુલ ગાંધીએ કહ્યું હતું કે લોકસભા ચૂંટણી સારી રીતે ચાલી રહી છે અને આ વખતે કોંગ્રેસ જીતશે.
રાહુલ ગાંધીએ કહ્યું હતું કે સીટ કેટલી આવશે તે ઉપર હું વાત કરીશ નહીં. જોકે આ વખતે નવી સરકાર બનશે. દેશનો મૂડ પોઝિટિવ છે.
રાહુલે કહ્યું હતું કે જીએસટી, નોટબંધી, ખેડૂતોની સ્થિતિથી દેશ ખરાબ થયો છે. સ્વામિનાથન રિપોર્ટ લાગુ કરવાના સવાલ પર કહ્યું હતું કે આ વિશે ખેડૂતો સાથે વાત કરશે. સ્વામિનાથન રિપોર્ટને સ્ટડી કરશે. ખેડૂતો માટે અલગ બજેટ બનશે અને કાયદા બદલીશું.
પશ્ચિમ બંગાળની હિંસા ઉપર રાહુલે કહ્યું હતું કે મોદી જ્યાં ખોટુ બોલશે ત્યાં હિંસા તો થશે જ. દેવું ન ચુકવનાર ખેડૂતોને જેલમાં મોકલીશું નહીં. અમે નીરવ મોદીને જેલમાં પુરીશું.
રાહુલ ગાંધીએ 1984 ઉપર સૈમ પિત્રોડાના નિવેદનને ખોટુ ગણાવ્યું હતું અને કહ્યું હતું કે તેમણે જે કહ્યું કે ખોટુ કહ્યું છે.
