પીળી સાડી વાળી મહિલા અધિકારી આવી સામે, કર્યા ઘણા ખુલાસા

લોકસભા ચૂંટણી-2019 દરમિયાન સોશિયલ મીડિયા ઉપર ઉત્તર પ્રદેશની પીળી સાડી પહેરેલ એક મહિલા અધિકારીની તસવીર વાયરલ થઈ રહી છે. સોશિયલ મીડિયા ઉપર તેની સુંદરતા ઉપરાંત મતદાનની ટકાવારી વધારવા માટે પણ ધન્યવાદ આપવા લાગ્યા હતા. મતદાન પછી આ મહિલા અધિકારી મીડિયા સામે આવી હતી અને પોતાની વાત કહી હતી.

પીળી સાડી વાળી મહિલા અધિકારીનું નામ રીના દ્વિવેદી છે. રીના લખનઉની રહેવાસી છે અને લખનઉમાં જ પીડબલ્યુડી વિભાગમાં કામ કરે છે. જે તસવીર શેર થઈ રહી છે તે પણ લખનઉની છે.

રીનાએ જણાવ્યું હતું કે તે ઉત્તર પ્રદેશના દેવરિયા જિલ્લાની રહેવાસી છે અને હાલ લખનઉમાં રહે છે. હું સ્પષ્ટ રીતે કહેવા માંગું છું કે હું મિસ જયપુર રહી નથી અને આવી કોઈ સ્પર્ધામાં પણ ભાગ લીધો નથી.

રીના દ્વિવેદીનું કહેવું છે કે તે હંમેશા આવી રીતે તૈયાર થઈને જ ઓફિસ જાય છે. યંગ જનરેશન જૂના રિવાજો તોડી રહી છે. હું પારિવારિક વેશભૂષામાં મતદાન કરવા ગઈ હતી. મોહનલાલગંજના નગરામ પોલિંગ બૂથમાં ડ્યૂટી હતી.

આ મહિલા અધિકારીએ કહ્યું હતું કે પરિવારજનો આ વાતને ઘણી સકારાત્મક લઈ રહ્યા છે. તે કહી રહ્યા છે કે પુત્રી ફેમસ તો થઈ ગઈ. સોશિયલ મીડિયા ઉપર આવનાર કોમેન્ટ્સને તે ગંભીરતાથી લેતી નથી.

તસવીર વાયરલ થયા પછી તેણે કહ્યું હતું કે લોકો હવે તેની સાથે સેલ્ફી લઈ રહ્યા છે. દૂર-દૂરથી ફોન આવી રહ્યા છે. ક્યારેક આ બધુ સારું લાગે છે પણ પછી પરેશાની પણ થાય છે. હું ફક્ત પોતાનું કામ કરી રહી હતી.

રીનાએ જણાવ્યું હતું કે તેના બૂથ ઉપર 70 ટકા મતદાન થયું હતું. વાયરલ તસવીરોમાં 100 ટકાનો દાવો કરાયો છે તે ખોટો છે.