PHOTOS: જ્યારે રાહુલે પ્રિયંકાને કહ્યું - ‘મેં આપ્યું તને મોટું હેલિકોપ્ટર’

કોંગ્રેસ અધ્યક્ષ રાહુલ ગાંધી અને પાર્ટી મહાસચિવ પ્રિયંકા ગાંધી લોકસભા ચૂંટણીમાં પોતાની પાર્ટીને જીત અપાવવા સખત પ્રચાર કરી રહ્યા છે. આ દરમિયાન શનિવારે બંને કાનપુરના એક હેલિપેડ પર અલગ અંદાજમાં જોવા મળ્યા હતા. આ દરમિયાન રાહુલે એક બેસ્ટ ભાઈ હોવાનો મતલબ સમજાવ્યો હતો.

રાહુલે કહ્યું હતું કે હું તમને જણાવું છું કે એક સારો ભાઈ હોવાનો મતલબ શું છે? હું લાંબી-લાંબી યાત્રાઓ નાના હેલિકોપ્ટરમાં કરી રહ્યો છું. જ્યારે પ્રિયંકાને નાની યાત્રા માટે મોટું હેલિકોપ્ટર મળે છે. હું તેને પ્રેમ કરું છું.

આ પછી રાહુલ ગાંધી અને પ્રિયંકા ગાંધી વાડ્રા એરપોર્ટ સ્ટાફ અને પાયલોટ સાથે તસવીર પડાવી હતી અને પોત-પોતાના રસ્તે નિકળી પડ્યા હતા.

કોંગ્રેસ અધ્યક્ષ રાહુલ ગાંધી ચૂંટણી પ્રચાર માટે એક દિવસના પ્રવાસે અમેઠી પહોંચ્યા છે. રાહુલ ત્યા બે જનસભાને સંબોધિત કરશે. રાહુલ બપોરે 3.15 કલાકે ગૌરીગંજ વિધાનસભાના નંદમહર અને સાંદે 4.45 કલાકે જગદીશપુર વિધાનસભાના રાનીગંજમાં જનસભાને સંબોધિત કરશે.

કાર્યક્રમ પ્રમાણે રાહુલ ગાંધી લખનઉ એરપોર્ટ ઉતર્યા પછી સડક માર્ગથી ગૌરીગંજ પહોંચશે.