આ ખાસ સમુદાયે કર્યું ટીમ ઇન્ડિયાનું સ્વાગત, જુઓ તસવીરો

ભારત અને ન્યૂઝીલેન્ડ વચ્ચે 26 જાન્યુઆરીના રોજ બીજી વન-ડે રમાશે. ભારત શ્રેણીમાં 2-0થી લીડ મેળવવા પ્રયત્ન કરશે. બીજી તરફ ન્યૂઝીલેન્ડ શ્રેણીમાં શ્રેણી બરાબરી કરવા પ્રયત્ન કરશે. પાંચ મેચની શ્રેણીમાં ભારત 1-0થી આગળ છે.

બીજી વન-ડે પહેલા ભારતીય ટીમે ઓવલમાં જોરદાર પ્રેક્ટિસ કરી હતી. ટીમ ઇન્ડિયા જ્યારે મેદાનમાં પ્રેક્ટિસ કરી હતી ત્યારે ન્યૂઝીલેન્ડના ખાસ સમુદાયે તેમના પારંપરિક અંદાજમાં ટીમનું સ્વાગત કર્યું હતું.

આ ખાસ સમુદાય છે માઓરી સમુદાય. માઓરી પ્રજાતિ ન્યૂઝીલેન્ડના મૂળ નિવાસી છે. ટીમ ઇન્ડિયાને માઓરી સંસ્કૃતિની જાણકારી આપી હતી.

ટારંગા સિટી કાઉન્સિલના માઓરી એંગેજમેન્ટના મેનેજર કાર્લો એલિસે કહ્યું હતું કે ખેલાડીઓ માટે આ અદ્ભૂત ક્ષણ હતી. રોહિત શર્માએ ખાસ અંદાજમાં ફોટો પડાવ્યો હતો. આ સ્વાગતનો ફોટો બીસીસીઆઈએ પોતાના ટ્વિટર એકાઉન્ટ ઉપર પણ શેર કર્યો છે.