બનાસકાંઠાઃ પત્નીની હત્યા કર્યા બાદ પતિએ ફાંસો ખાઇ કરી આત્મહત્યા

બનાસકાંઠામાં પતિએ પત્નીની હત્યા કર્યા બાદ ઝાડ સાથે દોરી વડે ગળાફાંસો ખાઇને આત્મહત્યા કર્યાની ઘટના બની હતી. વારંવાર થતાં ઝઘડાના કારણે ઉશ્કેરાયેલા પતિએ આ પગલું ભર્યું હોવાનું સુત્રો જણાવ્યી રહ્યા છે. આ અંગે પોલીસને જાણ થતાં થરાદ પોલીસ સ્ટેશનની ટીમ ઘટના સ્થળે પહોંચી હતી. અને પ્રાથમિક તપાસ હાથધરી હતી. (આનંદ જયસ્વાલ)

મળતી માહિતી પ્રમાણે બનાસકાંઠાના થરાદના ઉદરાણા ગામે પતિ-પત્ની રહેતા હતા. આજે શનિવારે પતિએ પત્નીની હત્યા કર્યા બાદ ઘરની બહાર આવેલા ઝાડ સાથે દોરી વડે લટકીને ગળાફાંસો ખાધો હતો.

સુત્રોના જણાવ્યા પ્રમાણે પતિ પત્ની વચ્ચે અવાર નવાર ઝઘડા થતાં હતા. જેના કારણે પતિની માનસિક સ્થિતિ ખરાબ થઇ હતી જેના પગલે આ કૃત્ય આચર્યું હતું.

આ અંગે જાણ થતાં થરાદ પોલીસની ટીમ ઘટના સ્થળે આવીને આગળની કાર્યવાહી હાથધરી હતી.

પોલીસે બંનેના મૃતદેહોને પીએમ માટે થરાદ રેફલ મોકલવામાં આવ્યા હતા.