યાકૂબને ફાંસી : શું થયું જેલમાં, જોવો તસ્વીર

મુંબઇ બોમ્બ વિસ્ફોટના આરોપી યાકૂબ મેમણને નાગપુર જેલમાં આજે સવારે ફાંસી આપવામાં આવી. સવારે 6-35 કલાકે યાકૂબને નવ વ્યક્તિઓની હાજરીમાં ફાંસીએ લટકાવી દેવાયો. જેલ આઇજી, જેલર, મેજીસ્ટ્રેટ, ડોક્ટર, જલ્લાદ, બે સાક્ષી અને બે કોન્સ્ટેબલ હાજર હતા. ફાંસી આપતાં પૂર્વે આજે સવારે વહેલા 3 વાગે યાકૂબને જગાડાયો હતો. આગળની તસ્વીરોમાં જોવો જેલમાં શું થયું.

વહેલી સવારે 3 વાગે યાકૂબને જગાડાયો હતો. બાદમાં 3-10 કલાકે એને નહાવા માટે લઇ જવાયો હતો. ત્યાર બાદ એને નવા સફેદ કપડાં પહેરવા અપાયા હતા.

સ્નાન કર્યા બાદ નવા સફેદ કપડાં પહેરાવાયા બાદ વહેલી સવારે 3-25 કલાકે યાકૂબને મન પસંદ નાસ્તો અપાયો હતો. જોકે શું નાસ્તો અપાયો હતો એ જેલ સત્તાવાળાોએ જાહેર કર્યું ન હતું.

વહેલી સવારે 3-25 કલાકે યાકૂબને નાસ્તો અપાયા બાદ 3-40 કલાકે યાકૂબને ઇબાદત માટે સમય અપાયો હતો. જે સમયે યાકૂબે ઇબાદત કરી હતી.

યાકૂબની ફાંસીને લઇને વહેલી સવારથી જ જેલ આઇજી, જેલર, મેજીસ્ટ્રેટ, ડોક્ટર જલ્લાદ, બે સાક્ષીઓ અને બે કોન્સ્ટેબલ હાજર રહ્યા હતા.

ઇબાદતનો સમય પૂરો થતાં વહેલી પરોઢે 4-30 કલાકે યાકૂબને મોઢે કપડું પહેરાવીને બેરકમાંથી બહાર લવાયો હતો. આ સમયે એના હાથ પાછળ બાંધેલા રખાયા હતા.

યાકૂબ મેમણને ફાંસી આપવાનો છેવટનો ફેંસલો આવી જતાં યાકૂબને સવારે 5-00 વાગે ફાંસીગરમાં લઇ જવાયો હતો. જ્યાં એને એના ગુના જણાવાયા હતા.

ફાંસીનો તખ્તો ગોઠવાઇ જતાં બે કોન્સ્ટેબલો યાકૂબને ફાંસીના માંચડા સુધી દોરી ગયા હતા.

સવારે 6-13 વાગે યાકૂબને ફાંસીના ગાળીયા પાસે લઇ જવાયો હતો.

ફાંસી આપવાની કાર્યવાહી પૂર્ણ કરાયા બાદ છેવટે 6-35 કલાકે યાકૂબને ફાંસીએ લટકાવી દેવાયો હતો.

ફાંસીએ લટકાવી દીધા બાદ ઉપસ્થિત તબીબો દ્વારા એના શબની છેલ્લી તપાસ કરાઇ હતી.

યાકૂબને ફાંસી અાપી દીધા બાદ મહારાષ્ટ્રના મુખ્યમંત્રીએ સુરક્ષાના ભાગરૂપે એક ખાસ બેઠક બોલાવી હતી.