Volkswagen Tiguan: દુનિયાભરમાં પસંદ કરાયેલ SUV ભારતમાં પણ લોન્ચ, જોરદાર ફિચર્સ સાથે જીપ કંપાસને આપશે ટક્કર

તે સ્ટાન્ડર્ડ Tiguan SUV તરફથી નાના કોસ્મેટિક અપડેટ્સ મેળવે છે. તેને 2 કલર વિકલ્પોમાં લોન્ચ કરવામાં આવ્યો છે, જેમાં પ્યોર વ્હાઇટ અને ઓરિક્સ વ્હાઇટનો સમાવેશ થાય છે. નવી ફોક્સવેગન ટિગુઆન એક્સક્લુઝિવ એડિશનને પાછળના ભાગમાં લોડ સિલ પ્રોટેક્શન, નવા સ્પોર્ટી 18-ઇંચના એલોય વ્હીલ્સ, એલ્યુમિનિયમ પેડલ્સ અને ડાયનેમિક હબકેપ્સ મળે છે.

એક્સક્લુઝિવ એડિશન બેજિંગ તેની બોડી પેનલ પર પણ ઉપલબ્ધ છે. આ SUVને પાવર આપવા માટે સમાન 2.0-લિટર TSI પેટ્રોલ એન્જિનનો ઉપયોગ કરવામાં આવ્યો છે, જે 187 bhp પાવર અને 320 Nm પીક ટોર્ક જનરેટ કરે છે. એન્જિન 7-સ્પીડ DSG સાથે જોડાયેલું છે અને તેને ફોક્સવેગનની 4મોશન ઓલ-વ્હીલ-ડ્રાઈવ સિસ્ટમ મળે છે.

ફોક્સવેગન પેસેન્જર કાર્સ ઇન્ડિયાના બ્રાન્ડ ડાયરેક્ટર આશિષ ગુપ્તાએ જણાવ્યું હતું કે, “ફોક્સવેગન ટિગુઆન એ વૈશ્વિક સ્તરે અમારી સૌથી વધુ વેચાતી એસયુવી છે, જેને અત્યાર સુધી ગ્રાહકો તરફથી અભૂતપૂર્વ પ્રતિસાદ મળ્યો છે. અમને 'એડિશન' રજૂ કરવામાં આનંદ થાય છે, જે કારની અપીલને વધુ આગળ વઘારશે કરશે."

ગુપ્તાએ વધુમાં ઉમેર્યું હતું કે, "વૈશ્વિક સ્તરે વખાણાયેલા MQB પ્લેટફોર્મ પર બનેલ, ફોક્સવેગન ટિગુઆન એ શૈલી, પ્રદર્શન, પ્રીમિયમ-નેસ, સલામતી, કાર્યક્ષમતા અને વર્ગની અગ્રણી સુવિધાઓનું પ્રચંડ સંયોજન છે."

નવી ફોક્સવેગન ટિગુઆન એક્સક્લુઝિવ એડિશન હ્યુન્ડાઈ ટક્સન, સિટ્રોએન C5 એરક્રોસ અને જીપ કંપાસને સીધી ટક્કર આપશે.