International Yoga day 2022: યોગ દિવસે સ્ટેચ્યૂ ઓફ યુનિટી પર યોજાયો સુંદર માહોલ, જુઓ ત્યાંની તસવીરો

નર્મદા : આજે, 21 જૂનના દિવસે વિશ્વ આંતરરાષ્ટ્રીય યોગ (International Yoga day) દિવસ નિમિત્તે દુનિયાની સૌથી ઊંચી પ્રતિમા સ્ટેચ્યૂ ઓફ યુનિટીના (Yoga on Statue of Unity) પ્રાંગણમાં કેન્દ્રીય આરોગ્ય મંત્રી મનસુખ માંડવિયાએ (Mansukh Mandavia) હજારો લોકોની સાથે યોગ કર્યા છે. જેની સુંદર તસવીરો પણ સામે આવી છે.

તેમની સાથે ગુજરાતના કલાકારો કિંજલ દવે, ધારાસભ્ય હિતુ કનોડિયા સહિતના કલાકારોની ઉપસ્થિતિમાં સ્ટેચ્યુ ઓફ યુનિટી ખાતે આંતરરાષ્ટ્રીય યોગ દિવસની ઉજવણી કરવામાં આવી છે.

કેન્દ્રીય આરોગ્ય મંત્રી મનસુખ માંડવિયાએ હજારો લોકો સાથે યોગ કર્યા બાદ તેઓ સવારે જ ગાંધીનગર ખાતેના નિવાસ સ્થાને જવા રવાના ગયા હતા. જેમની સાથે ગુજરાતી કલાકરો પણ હાજર રહેશે તેવી શક્યતા દર્શાવવામાં આવી રહી છે.

આ યોગ દિવસની ઉજવણી માટે છેલ્લા ઘણાં દિવસથી તૈયારીઓ થઈ ગઈ છે. કેવડિયા ખાતે સ્ટેચ્યુ ઓફ યુનિટીના પરિસરમાં સજાવટની સાથે યોગની પ્રેક્ટિસ કરવામાં આવી રહી હતી.

ગઇકાલે, વિવિધ વિભાગના અધિકારીઓ એસ.આર.પી, સી.આઈ.એસ.એફના જવાનો તેમજ અન્ય યોગ સાધકો ઉપસ્થિત રહ્યા છે. જેઓએ આજે યોગદિનના પૂર્વ દિવસે સવારે યોગ કર્યા હતા અને પ્રેક્ટિસ કરી રિહર્સલ કર્યું હતું. ત્યારે આ યોગ દિવસની ઉજવણી સ્ટેચ્યુ ઓફ યુનિટી ઉપરાંત નર્મદા ડેમ સાઈટ ટૉપ વ્યુ તેમજ નર્મદા ઘાટ પર થનાર છે. જેની પણ પ્રેક્ટિસ મોટી સંખ્યામાં ઉપસ્થિત યોગ સાધકોએ કરી હતી.