પારડી નજીક હાઇવે પર બે ટ્રક વચ્ચે ફસાઇ બાઇક, ચાલકનો ચમત્કારિક બચાવ, તસવીરો જોઇને રૂંવાડા ઊભા થઇ જશે

ભરતસિંહ વાઢેર, પારડી: વલસાડ જિલ્લાના પારડી નજીક અમદાવાદ-મુંબઈ નેશનલ હાઈવે પર એક વિચિત્ર અકસ્માત થયો હતો.જેમાં પૂરઝડપે પસાર થઇ રહેલી બે ટ્રકો વચ્ચે એક બાઈક સવાર વિચિત્ર રીતે ફસાયો હતો. જોકે, તેમ છતાં બાઇક સવારનો ચમત્કારિક બચાવ થયો હતો. જાણે રામ રાખે તેને કોણ ચાખે કહેવત ખરેખર આ અકસ્માતમાં સાર્થક થઈ હતી. અકસ્માતના દ્રશ્ય જોઈ પ્રથમ નજરે જોતાં કોઈપણને પણ લાગે કે, આ અકસ્માતમાં કોઇ બચ્યું નહિ હોય પરંતુ આપને જાણીને નવાઈ લાગશે કે, બે ટ્રકોની વચ્ચે બાઈક ટાયરોમાં ફસાઇ ગયું હતું, જે બાદ પણ બાઈક ચાલકનો આબાદ બચાવ થયો હતો. આ અકસ્માત જોઇને આસપાસથી પસાર થતા લોકો અને વાહન ચાલકોએ પણ ચોંકી ગયા હતા.

બનાવની વિગતે વાત કરીએ તો, વલસાડ જિલ્લાના ભદેલી જગાલાલા ગામના બંકિમ ભાઈ બારોટ  નામના એક વ્યક્તિ  વાપીથી નોકરી કરીને પરત વલસાડ પોતાના ઘરે જઇ રહ્યાં હતા.ત્યારે વલસાડ જિલ્લાના પારડી નજીક અમદાવાદ-મુંબઈ નેશનલ હાઈવે પરથી પસાર થઈ રહ્યા હતા તે વખતે જ હાઇવે પરથી પસાર થતી એક ટ્રકે બાઈકને જોરદાર ટક્કર મારી હતી. જેના કારણે બાઇક સવાર બાઈક સાથે અન્ય એક ટ્રેક પર ફંગોળાયા હતા.

જે બાદ તે ત્યાંથી પસાર થતી બીજી અન્ય એક  ટ્રકના ટાયરની નીચે આવી ગયા હતા. આમ બાઈક બંને ટ્રકોના ટાયર વચ્ચે ફસાઈ ગયું હતું.જોકે,  તક મળતા જ આંખના પલકારામાં બાઈક સવાર બંકિમ ભાઈ બાઇક પરથી નીચે કૂદી પડ્યા હતા.

આથી તેઓને સામાન્ય ઇજા થઇ હતી અને તેમનો ચમત્કારિક બચાવ થયો હતો. બાઇક માતેલા સાંઢની જેમ દોડતી આ બે ટ્રકોના ટાયરની નીચે ફસાઈ ગયું હતું. અને આ આવી રીતે ફસાયા બાદ બચવાનું લગભગ અશક્ય જ લાગ પરંતુ ક્યારેક કુદરતી એવા સંજોગો સર્જાય છે. જેમાં ચમત્કારને કારણે આવી વિચિત્ર પરિસ્થિતિમાં પણ હેમખેમ બચી જવાય છે.

આ ઘટનામાં પણ બાઈક ચાલકનો ચમત્કારિક બચાવ થયો હતો. બે ટ્રકની વચ્ચે ફસાયેલા આ બાઇકમાં સવાર  બંકિમ બારોટને માત્ર સામાન્ય ઈજાઓ થઈ હતી અને તેમનો ચમત્કારિક બચાવ થયો હતો. ઘટ

નાને કારણે થોડા સમય સુધી અમદાવાદ-મુંબઈ નેશનલ હાઈવે પર વાહન વ્યવહારને અસર થઈ હતી. જાણ થતાં જ  પારડી  પોલીસની ટીમ સ્થળ પર પહોંચી હતી અને થોડા સમય સુધી ખોરવાયેલો વાહન વ્યવહાર ફરી એક વખત પૂર્વવત કરાવ્યો હતો.