સુરત:ટ્રાફિક જવાનોની ફરજને સલામ, ઠંડા પવન અને ભારે વરસાદ વચ્ચે દોડતુ રાખ્યું શહેર

સુરતમાં છેલ્લાં ત્રણ દિવસથી કમોસમી વરસાદ અને ઠંડા પવન ફુંકાવાને કારણે શહેરનું વાતાવરણ એકદમ ઠંડુ થઇ ગયુ છે. પારો સતત ગગડી ગયો છે અને લોકો ઠુંઠવાઇ રહ્યાં છે. આ વચ્ચે જરૂર ન હોય તો ઘરની બહાર નીકળવાનું ટાળે છે. ત્યારે સુરતનાં ટ્રાફિક પોલીસની કેટલીક તસવીરો સામે આવી છે જેમાં તેઓ આ ઠંડા વાતાવરણમાં તેમની ફરજ બજાવતા નજર આવી રહ્યાં છે.

આ ભારે વરસાદ અને હાડ થિજવતી ઠંડીમાં પણ તેઓ શહેરને દોડતું રાખવા સંપૂર્ણ ધગશથી કામ કરતા નજર આવી રહ્યાં છે. એટલું જ નહીં તેઓએ જરૂરીયાત મંદોને દવાઓ પણ આપી હતી.

ગુરૂવારે રાજ્યના મોટાભાગના સ્થળોએ દિવસનું તાપમાન 20 ડિગ્રીથી નીચે જતાં લોકો કાતિલ ઠંડીમાં ઠુંઠવાયા હતા. હવામાન વિભાગની આગાહી અનુસાર ગુજરાતમાં આજથી તાપમાન 4 ડિગ્રી સુધી ગગડતાં ઠંડીમાં વધારો થવાની આગાહી કરવામાં આવી છે.

રાજ્યમાં મોટાભાગના સ્થળોએ ગુરૂવારનું તાપમાન 20 ડિગ્રીથી નીચે નોંધાયું હતું. નલિયા, વલ્લભ વિદ્યાનગરમાં 15.2 ડિગ્રી સાથે સૌથી નીચું તાપમાન નોંધાયું હતું. અન્યત્ર વડોદરામાં 15.8, ભાવનગરમાં 17.4, ભૂજમાં 17.8, રાજકોટમાં 18.7 અને સુરતમાં 16.6 ડિગ્રીએ પારો રહ્યો હતો.

ભારે પવન વચ્ચે પોલીસ જવાનોએ તેમની ફરજ બજાવી હતી જે જોઇને ત્યાં હાજર સૌ કોઇ તેમનાં વખાણ કરી રહ્યાં છે

ભારે વરસાદ અને શુસવાટા બંધ પવનની વચ્ચે પોતાની ફરજની સાથે સેવા કરતાં પણ નજર આવ્યાં સુરત શહેરનાં ટ્રાફિક જવાનો

ભારે વરસાદ અને ઠંડા પવન વચ્ચે ફરજ બજાવતા ટ્રાફિક જવાનો