Photos: ગુજરાતને અડીને આવેલું નંદુબાર બન્યું છે મિનિ કાશ્મીર, છવાઇ બરફની ચાદર

કેતન પટેલ, નંદુબાર: ગુજરાતને અડીને આવેલા નંદુરબાર (winter in Nadubar) જિલ્લાના સાતપુડા પર્વતના અક્કલકૂવા તાલુકામાં હોલડાબ, વાલંબા ગામમાં સતત બે દિવસથી વાતાવરણમાં પલટો આવ્યો છે. વહેલી સવારના સમયેથી ઠંડીનું પ્રમાણ વધી જાય છે જેના કારણે ઝાકળ પણ બરફમાં ફેરવાઇ જાય છે. જેના કારણે, દાબ ગામ સહિત અક્કલકકૂવા, ધડગાંવ તાલુકાના કુલ 40થી 50 હજાર લોકોનું જનજીવન પ્રભાવિત થઇ રહ્યું છે. ખેતરોમાં પણ બરફની પતરી છવાય જવાને કારણે ખેડૂતોને હાલાકી ભોગવવી પડે છે.

નંદુરબાર જિલ્લાના સાતપુડાના 3 અને 4 નંબરના પર્વતોમાં સતત બે દિવસથી વાતાવરણ ઠંડુ થયુ છે. આ વિસ્તારમાં કશ્મીર જેવી સ્થિતિ નિર્માણ થઈ છે. મકાન, વાહનો, ખેતરોમાં બરફની પરત થઇ રહી છે. પાંચ દિવસના વાતાવરણમાં આ વિસ્તારમાં 1થી 2 ડીગ્રી સેલ્સિયસ તાપમાન નોંધાયું હતું. જેના કારણે ખેડૂતોની ચિંતા વધી રહી છે. ડાબ ગામમાં બે દિવસથી બરફની પરત થઈ રહી છે.

ઘણાં વર્ષથી આ વિસ્તારમા શિયાળામાં આવો જ માહોલ હોય છે. ઝાકળનું રૂપાંતર બરફમાં થઇ જાય છે. બિટપાડા ગામના વિસ્તારમાં ઘઉંના ખેતરમાં ઠંડીથી ઝાકળ બરફ થતાં જાણે બરફની ચાદર ઓઢી હોય એવું દૃશ્ય જોવા મળે છે. મહત્તવનું છે કે, ડાબ ગામને હેલા ડબા કહેવામાં આવે છે.

. હેલા આ આદિવાસી શબ્દનો અર્થ છે કે ઠંડો. ડબા ગામનું નામ એના ભૌગોલિક પરિસ્થિતિ મુજબ પડ્યું છે. લોકવાયકા મુજબ વર્ષો પહેલાં આદિવાસી સમાજની કુળદૈવી દેવમોગરા માતાએ હેલા ડબાની જાણકારી વૃદ્ધ વ્યક્તિએ આપી હતી.

નાના બાળકોને સર્દી, ખાસી, અનેક પ્રકારની બીમારીથી જનજીવન પ્રભાવિત થઈ રહ્યા છે. આ વિસ્તારમા સારવાર માટે નજીક વ્યવસ્થા ન હોવાના કારણે  સારવાર કરવા માટે મોટી મુશ્કેલી પડી રહી છે.