સુરત : સુરત મહાનગરપાલિકામાં (Gujarat Municipal Election Result)ફરી એક વખત ભગવો લહેરાયો છે. સુરતમાં 120 બેઠકોમાંથી ભાજપે 93 બેઠકો પર જીત મેળવી ફરી સત્તા મેળવી છે.
આ ચૂંટણીમાં કોંગ્રેસના સૂપડાં સાફ થઈ ગયા છે અને તે એકપણ બેઠક જીતી શક્યું નથી. બીજી તરફ આમ આદમી પાર્ટીને લોટરી લાગી ગઈ છે.
આમ આદમી પાર્ટી સુરતમાં 27 બેઠકો જીતવા સફળ રહ્યું છે. સુરતમાં આમ આપ પાર્ટીના પ્રદર્શને બધાને ચોંકાવી દીધા છે.
સુરતમાં કોંગ્રેસ અને આમ આદમી પાર્ટીના પરિણામે બધાને ચોંકાવ્યા છે. એક તરફ કોંગ્રેસનું ખાતું પણ ના ખુલતા સૂપડાં સાફ થયા છે તો બીજી તરફ આમ આદમી પાર્ટીએ નવો વિકલ્પ આપ્યો છે
સુરતમાં આમ આદમી પાર્ટીના ચોંકાવનારા પ્રદર્શન પછી દિલ્હીના મુખ્યમંત્રી અરવિંદ કેજરીવાલ પણ ઉત્સાહિત છે. કેજરીવાલ 26મી તારીખે સવારમાં સુરતમાં રોડ શો કરશે.
બીજી તરફ કોંગ્રેસ પરાજય પછી પાર્ટીના જ કાર્યકરો રોષે ભરાયા હતા. કોગ્રેસ સુરતમાં ખાતું પણ ના ખોલી શકતા પાર્ટીના કાર્યકરો દ્વારા તોડફોડ કરવામાં આવી હતી.
કોંગ્રેસના કાર્યકરોએ શહેર પ્રમુખ બાબુ રાયકા અને આગેવાન કદીર પીરજાદાના પૂતળાનું દહન કર્યું હતું.
સુરતમાં કોંગ્રેસની કારમી હાર થઇ છે. આ કારમી હારની જવાબદારી સ્વીકારી પક્ષપ્રમુખપદેથી બાબુ રાયકાએ રાજીનામું ધરી દીધું છે
