જ્યાં લોકો હનીમૂન પર જાય, ત્યાં સોનમ બંધાશે લગ્નના તાંતણે, જાણો તેનો પ્રોગ્રામ

સોનમ કપૂરના લગ્નને લઈને છેલ્લા ઘણા દિવસોથી ચર્ચા ચાલી રહી છે. જેમાં હવે ફાઈનલ ડેટ્સ સામેલ થઈ ગઈ છે. સ્પોટબોયની ખબર અનુસાર સોનમ પોતાના બિઝનેસમેન બોય ફ્રેન્ડ આનંદ આહુજા સાથે મે મહિનાના બીજા અઠવાડિયામાં લગ્નના બંધનમાં બંધાવા જઈ રહી છે. અનુષ્કા અને વિરાટ કોહલીની જેમ સોનમ અને આનંદ આહુજા પોતાના ડેસ્ટિનેશન વેડિંગ કરશે. તેમના લગ્ન યોજાશે સ્વિટ્ઝરલેન્ડમાં.

રિપોર્ટ્સ અનુસાર લગ્નની શોપિંગ પુરી થઈ ગઈ છે. ફ્લાઈટ્સની ટિકિટ પણ બૂક કરી લેવામાં આવી છે. અને મે મહિનાના પહેલા અઠવાડિયામાં તમામ સંબંધીઓ લગ્નની તમામ વિધીમાં સામેલ થવા માટે સ્વિટ્ઝરલેન્ડ પહોંચી જશે.

પહેલા એવા રિપોર્ટ્સ સામે આવ્યા હતા. કે સોનમ જોધપુર અથવા તો ઉદયપુરમાં લગ્ન કરશે. પરંતુ હવે ડેસ્ટિનેશન ફાઈનલ થઈ ગયું છે. સોનમ અને આનંદનના લગ્ન સ્વિટ્ઝરલેન્ડમાં થવાના હોવાથી સ્વિસ સરકારે પણ ઘણો રસ દાખવ્યો છે.

સોનમ અને આનંદ હવે પોતાનું હનીમૂન લોકેશન ફાઈનલ કરવામાં લાગ્યા છે. બંને છેલ્લા એક વર્ષથી રિલેશનશિપમાં છે. આમ સોનમ અને આનંદના લગ્નમાં ઘણા મહેમાનો પહોંચે તેવી સંભાવના છે.